धडाडणारी तोफ! भाजपच्या अल्का आत्राम यांचा खासदार प्रतिभा धानोरकर यांच्यावर ‘सिनेस्टाईल’ हल्लाबोल!

​”सन्मान मागून मिळत नाही, तो कर्तृत्वाने कमवावा लागतो!” – राजमाता राणी हिराई सोहळ्यावरून राजकीय रणकंदन!

​चंद्रपूर (विशेष प्रतिनिधी):

चंद्रपूरच्या राजकीय आखाड्यात सध्या आरोपांच्या फैरी झाडल्या जात आहेत. निमित्त आहे राजमाता राणी हिराई यांच्या ऐतिहासिक गौरव सोहळ्याचे! ज्या सोहळ्याने इतिहासाला उजाळा दिला, त्याच सोहळ्याला राजकीय संघर्षाचे ‘गालबोट’ लागल्याने आता संतापाचा लाव्हा उसळला आहे. “खासदार बाई, महिलांसाठी नेमकं काय केलं?” अशा थेट आणि धारदार शब्दांत भाजप महिला मोर्चाच्या प्रदेश सरचिटणीस अल्का आत्राम यांनी खासदार प्रतिभा धानोरकर यांना भरचौकात ललकारले आहे.

​💥 ‘इगो’ की अपमान? संघर्षाची ठिणगी!

​अनेक वर्षांच्या प्रतीक्षेनंतर आमदार सुधीर मुनगंटीवार यांच्या अथक परिश्रमातून राजमाता राणी हिराई यांचा भव्य दिव्य सोहळा पार पडला. मात्र, या सोहळ्यात प्रोटोकॉल आणि मानापमानावरून खासदारांनी केलेल्या विधानावर अल्का आत्राम यांनी कडाडून टीका केली. “तुमचा केवळ ‘इगो हर्ट’ झाला आहे, हे अख्ख्या जिल्ह्याला दिसत आहे. आदिवासी समाजाने मोठ्या मनाने तुम्हाला निमंत्रण दिले, पण तुम्ही मात्र त्या पवित्र सोहळ्याचे राजकारण केले,” अशा शब्दांत आत्राम यांनी आपला रोष व्यक्त केला.

​👊 आत्राम यांचे ‘डेथ वॉरंट’ स्टाईल सडेतोड सवाल:

​अल्का आत्राम यांनी खासदारांच्या कामगिरीवरच प्रश्नचिन्ह उपस्थित करत त्यांना अक्षरशः निरुत्तर केले आहे:

​”खासदार झाल्यापासून महिलांसाठी एक तरी ठोस काम केलं का?”

​”जिल्ह्यात लेकी-बाळींवर अत्याचार झाले तेव्हा तुम्ही साधी भेट द्यायलाही का फिरकला नाहीत?”

​”संसदेत महिला विधेयकावेळी गप्प बसता आणि आता मात्र सन्मानाचा पुळका कसा आला?”

​🔥 सुधीरभाऊंना टार्गेट कराल तर खबरदार!

​”आमदार सुधीर मुनगंटीवार यांनी सांस्कृतिक मंत्री आशिष शेलार यांच्याकडून २५ लाखांचा निधी खेचून आणला आणि हा सोहळा सरकारी स्तरावर भव्य केला. केवळ त्यांना टार्गेट करण्यासाठी जर तुम्ही अशा क्लृप्त्या लढवत असाल, तर खबरदार! भाजप आणि आदिवासी समाज हे कधीही खपवून घेणार नाही,” असा जळजळीत इशारा आत्राम यांनी दिला.

​🚩 आदिवासी अस्मितेचा अपमान आम्ही विसरणार नाही!

​हा सोहळा आदिवासी समाजाच्या अस्मितेचा होता, पण खासदारांनी वैयक्तिक राजकीय अजेंडा राबवून या कार्यक्रमाला गालबोट लावले आहे. “हा अपमान एका व्यक्तीचा नसून संपूर्ण आदिवासी समाजाचा आहे. आम्ही याचा जाहीर निषेध करतो,” असे म्हणत अल्का आत्राम यांनी चंद्रपूरच्या राजकीय वातावरणात मोठी खळबळ उडवून दिली आहे.

​आता या ‘लेडी वॉर’ वर खासदार प्रतिभा धानोरकर काय प्रत्युत्तर देतात, याकडे संपूर्ण जिल्ह्याचे लक्ष लागले आहे!

​बातमी लेखन: पोलीस योद्धा न्यूज नेटवर्क, चंद्रपूर.