भंडारा पोलिसांचा रेती माफियांना दणका; मध्यरात्री सिनेस्टाईल थरारानंतर ट्रॅक्टर जप्त! ​तामसवाडी घाटावर तुमसर पोलिसांची गस्त; साडे सहा लाखांचा मुद्देमाल जप्त, गुन्हेगारांचे धाबे दणाणले

तुमसर (पोलीस योद्धा न्यूज नेटवर्क):

भंडारा जिल्ह्यात रेती माफियांच्या मुसक्या आवळण्यासाठी पोलिसांनी कंबर कसली आहे. तुमसर पोलीस ठाण्याच्या हद्दीत रेतीची अवैध वाहतूक करणाऱ्यांवर पोलिसांनी मोठी कारवाई केली आहे. तामसवाडी परिसरातून चोरटी रेती घेऊन जाणाऱ्या स्वराज ट्रॅक्टरवर पोलिसांनी झडप घालून ६ लाख ५६ हजार रुपयांचा मुद्देमाल जप्त केला आहे.

​🚨 मध्यरात्री अशी झाली कारवाई

​मिळालेल्या माहितीनुसार, १ एप्रिल २०२६ रोजी सायंकाळी ६:१० वाजताच्या सुमारास तुमसर पोलीस पथक तामसवाडी परिसरात गस्तीवर होते. यावेळी स्वराज ट्रॅक्टर (क्रमांक MH 36 L 2045) संशयास्पदरीत्या येताना दिसला. पोलिसांनी ट्रॅक्टर थांबवून तपासणी केली असता, त्यात विनापरवाना शासकीय गौणखनीज रेती भरलेली आढळली.

​👊 चालक आणि मालकावर गुन्हा दाखल

​या प्रकरणी पोलिसांनी ट्रॅक्टर चालक समीर लेखीराम केवट (वय २०, रा. कुंभली, जि. बालाघाट) याला ताब्यात घेतले. चौकशीत त्याने ट्रॅक्टर मालक शंखपाल फेकल सार्वे (वय ३२, रा. सितेपार) याच्या सांगण्यावरून रेतीची चोरी केल्याची कबुली दिली.

​📊 जप्त केलेला मुद्देमाल:

​निळ्या रंगाचा स्वराज ट्रॅक्टर व ट्रॉली: किंमत ₹ ६,५०,०००/-

​१ ब्रास अवैध रेती: किंमत ₹ ६,०००/-

​एकूण जप्त माल: ₹ ६,५६,०००/-

​⚖️ कायदेशीर कारवाई

​फिर्यादी पोलीस शिपाई तिलकचंद सिताराम चौधरी यांच्या तक्रारीवरून तुमसर पोलीस ठाण्यात अपराध क्रमांक ५१८/२६, कलम ३०५(ई), ४९ (भारतीय न्याय संहिता २०२३) अन्वये गुन्हा नोंदवण्यात आला आहे. ठाणेदार यांच्या मार्गदर्शनाखाली पुढील तपास महिला पोलीस हवालदार मंजू बांते या करीत आहेत.

​”अवैध रेती उत्खनन आणि वाहतूक करणाऱ्यांची गय केली जाणार नाही,” असा कडक इशारा तुमसर पोलिसांनी दिला आहे. या कारवाईमुळे रेती माफियांमध्ये मोठी खळबळ उडाली आहे.

​वृत्तसंकलन:

अमर वासनिक

न्यूज एडिटर, पोलीस योद्धा न्यूज नेटवर्क

संपर्क: 7774980491

वेबसाइट: www.policeyoddha.com

​#TumsarPolice  #SandMafia #BhandaraCrime #ActionAgainstIllegalSand #PoliceYoddha  #BreakingNews #MaharashtraPolice  #SandSmuggling #रेतीचोरी  #तुमसर  #भंडारापोलीस