🔴 भंडारा जिल्ह्यात अवैध जुगार व दारू अड्ड्यांवर पोलिसांचा धडक कारवाईचा सपाटा; ₹1.37 लाखांहून अधिकचा मुद्देमाल जप्त

भंडारा | प्रतिनिधी
भंडारा जिल्ह्यात अवैध धंद्यांवर कडक कारवाईचे आदेश दिल्यानंतर जिल्हा पोलीस अधीक्षक श्री. नूरुल हसन यांच्या मार्गदर्शनाखाली जिल्ह्यातील विविध पोलीस ठाण्यांनी एकाच वेळी जुगार व हातभट्टी दारू अड्ड्यांवर मोठ्या प्रमाणात धाडी टाकत ₹1,37,935/- रुपयांचा मुद्देमाल जप्त केला आहे. या व्यापक कारवाईमुळे अवैध व्यवसाय करणाऱ्यांमध्ये मोठी खळबळ उडाली आहे.
🎲 जुगार अड्ड्यांवर कारवाई
भंडारा, तुमसर व अड्याळ पोलीस ठाण्याच्या हद्दीत वरली मटका व जुगार अड्ड्यांवर धाडी टाकून एकूण ₹2,075/- रुपयांची रोकड, सट्टापट्टी कागद, पेन असा मुद्देमाल जप्त करण्यात आला.
या कारवाईत
भंडारा येथील चेतन नागराज लिमजे,
तुमसर येथील जितेंद्र अशोक नागदेवे,
अड्याळ येथील गोपीनाथ मोतीराम हुमने
यांच्याविरोधात महाराष्ट्र जुगार प्रतिबंधक कायद्यानुसार गुन्हे दाखल करण्यात आले आहेत.
🍶 हातभट्टी व देशी दारूवर मोठा आघात
जवाहरनगर, तुमसर, लाखनी, पालांदुर, पवनी व अड्याळ पोलीस ठाण्यांतर्गत हातभट्टी व देशी दारू विक्री करणाऱ्यांवर मोठ्या प्रमाणात कारवाई करण्यात आली.
या कारवाईत
मोहफुलाची हातभट्टी दारू – 45 लिटरपेक्षा अधिक,
देशी दारूचे शेकडो पव्वे,
प्रिमियम गोल्ड ब्रँडची दारू,
असा सुमारे ₹9,000/- पेक्षा अधिक किमतीचा दारू साठा जप्त करण्यात आला.
🔥 मोठी कारवाई : 600 किलो मोहापास जप्त
अड्याळ पोलीस ठाण्याच्या हद्दीत फरार आरोपी हिरालाल निलकंठ बारसागडे याच्या अवैध मोहफुल दारू उत्पादन केंद्रावर छापा टाकून
600 किलो सडवा मोहापास,
लोखंडी ड्रम, पिपे, जलाऊ काड्या
असा ₹1,26,640/- रुपयांचा मुद्देमाल जप्त करण्यात आला आहे. आरोपी फरार असून त्याचा शोध सुरू आहे.
🚨 पोलीस प्रशासनाचा इशारा
जिल्हा पोलीस अधीक्षक श्री. नूरुल हसन, अपर पोलीस अधीक्षक व संबंधित उपविभागीय पोलीस अधिकाऱ्यांच्या मार्गदर्शनाखाली ही कारवाई करण्यात आली असून, अवैध जुगार व दारू व्यवसाय करणाऱ्यांवर यापुढेही कठोर कारवाई सुरूच राहील, असा स्पष्ट इशारा पोलीस प्रशासनाने दिला आहे.
भंडारा जिल्ह्यातील नागरिकांनी अवैध धंद्यांविषयी माहिती देऊन पोलिसांना सहकार्य करावे, असे आवाहनही करण्यात आले आहे.

अमर वासनिक
न्यूज एडिटर
✒️ पोलीस योद्धा न्यूज नेटवर्क
(Crime | Law & Order | Public Interest)