🚝 मुंबई मेट्रो सामान्यांसाठी सुरू… पण हे नियम मात्र काटेकोरपणे पाळावे लागणार

💫 गेल्या सात महिन्यांपासून बंद असलेली मुंबई मेट्रोची सेवा (सोमवार) आजपासून (19 ऑक्टोबर) पुन्हा सुरू झाली आहे. मेट्रोतून प्रवास करताना मुंबईकरांना काही नियम आणि अटींचे पालन करावे लागणार आहे.

💁‍♂️ असा असेल मेट्रोचा प्रवास

● सकाळी 8.30 वाजता पहिली आणि रात्री 8.30 वाजता शेवटची ट्रेन सुटेल
● ट्रेनमध्ये एक सीट सोडून प्रवाशांना बसण्याची परवानगी
● ट्रेनमध्ये उभे राहण्यासाठी निश्चित जागा असणार
● प्लॅटफॉर्मवर आखून दिलेल्या ठिकाणी प्रवाशांना उभे रहावं लागणार
● दर 6.30 मिनिटांनी येणार ट्रेन

👬 एकावेळी प्रवासी किती ?

आधी मुंबई मेट्रोतून एका ट्रेनमध्ये 1350 प्रवासी प्रवास करायचे. मात्र, गर्दी टाळण्यासाठी फक्त 300 प्रवाशांना प्रवास करण्याची मुभा देण्यात आली आहे.

🧍 प्रत्येक प्रवाशाची तपासणी होणार : स्टेशनवर आल्यांनंतर प्रत्येक प्रवाशाची हेल्थ डेस्कला तपासणी होणार आहे. लक्षणे नसलेल्या प्रवाशांनाच प्रवासाची परवानगी दिली जाईल. लक्षणे असतील तर प्रवास करू दिला जाणार नाही.

😷 मेट्रोतून प्रवास करताना मास्क घालणे आवश्यक आहे.

🧴 साफसफाई आणि सॅनिटायझेशन

🔅 प्रत्येक ट्रीपनंतर मेट्रो ट्रेनच निर्जंतुकीकरण केले जाणार
🔅 ट्रेनमध्ये फॉगिंग करण्यात येणार
🔅 बसण्याची जागा, हॅन्डल, उभे राहताना पकडण्यासाठी असलेले बार यांचे दर दोन तासांनी निर्जंतुकीकरण होणार
🔅 प्रवाशांचा ज्या गोष्टींशी वारंवार संपर्क येतो अशा गोष्टी सातत्याने स्वच्छ केल्या जाणार

🧾 प्लॅस्टिक कॉइनच्या ऐवजी पेपर तिकीट : प्लॅस्टिकच्या कॉइन ऐवजी मेट्रोतून प्रवासासाठी पेपर तिकीट दिले जाणार आहे. या पेपर तिकीटावर एक कोड असेल. हा कोड स्कॅन केल्यानंतर प्रवाशांना स्टेशनमध्ये जाण्याची परवानगी
मिळेल. त्याचसोबत संसर्ग टाळण्यासाठी स्टेशनवर बारकोड स्कॅनकरून मोबाईल तिकीट घ्यावे असे आवाहन मेट्रोतर्फे मुंबईकरांना करण्यात आले आहे.

साजन रमेश कांबळे
दक्षिण मुंबई प्रतिनिधी
8169048053