दिलासादायक ! गडचिरोली जिल्ह्यात 416 कोरोनामुक्त , 7 मृत्यूसह 137 नवीन कोरोना बाधित.

गडचिरोली विभागीय प्रतिनिधी:-चक्रधर मेश्राम.
दि.17 मे. 2021 : आज जिल्हयात 137 नवीन कोरोना बाधित आढळून आले. तसेच आज 416 जणांनी कोरोनावर मात केल्याने त्यांना रूग्णालयातून घरी सोडण्यात आले. आज 7 नवीन मृत्यूमध्ये 61 वर्षीय पुरुष ता. सावली जि. चंद्रपूर, 40 वर्षीय पुरुष कुरखेडा, 54 वर्षीय पुरुष शिक्षक कॉलनी गडचिरोली, 38 वर्षीय पुरुष घारगांव ता. चामोर्शी , 54 वर्षीय पुरुष कोटगल, गडचिरोली, 81 वर्षीय पुरुष माडा कॉलनी वडसा , 40 वर्षीय महिला टेकडा, ता. सिंरोचा यांचा नवीन मृत्यूमध्ये समावेश आहे.
नवीन 137 बाधितांमध्ये गडचिरोली तालुक्यातील 51 , अहेरी तालुक्यातील 03, आरमोरी 13, चामोर्शी तालुक्यातील 26,धानोरा तालुक्यातील 01, एटापल्ली तालुक्यातील 05, कोरची तालुक्यातील 05,कुरखेडा तालुक्यातील बाधितामध्ये 07, मुलचेरा तालुक्यातील बाधितामध्ये 18, सिरोंचा तालुक्यातील बाधितामध्ये 04 तर वडसा तालुक्यातील बाधितामध्ये 04 जणांचा समावेश आहे. तर आज कोरोनामुक्त झालेल्या 416 रूग्णांमध्ये गडचिरोली मधील 102, अहेरी 69, आरमोरी 64, भामरागड 09, चामोर्शी 34, धानोरा 12, एटापल्ली 26, मुलचेरा 07, सिरोंचा 23, कोरची 04, कुरखेडा 21 तसेच वडसा येथील 45 जणांचा समावेश आहे.