💉 दिलासादायक! राज्यात 511 केंद्रांवर शनिवारपासून लसीकरण; ‘कोविशिल्ड’च्या 9 लाख कुप्या प्राप्त

🧪 राज्यात कोरोना लसीकरणाला शनिवारपासून राज्यातील 511 केंद्रावर लसीकरणासाठी सुरुवात होणार असून सिरम इन्स्टियूटच्या कोविशिल्ड लशींच्या 9 लाख 63 हजार कुप्या प्राप्त झाल्या असून येत्या 2 दिवसांत केंद्रावर यांचा पुरवठा केला जाणार आहे.

🗣️ आरोग्य विभागाचे प्रधान सचिव डॉ. प्रदिप व्यास म्हणाले..

▪️ लसीकरणासाठी पहिल्या गटात आरोग्य कर्मचारी यामध्ये शासकीय व खाजगी आरोग्य संस्थामधील सर्व कर्मचारी, आशा, अंगणवाडी सेविका आदींचा समावेश आहे.

▪️ एका ठिकाणी किमान 100 जणांना लसीकरण करण्यात येईल. या ठिकाणी वीज, इंटरनेट, वेबकास्ट आदी सुविधा करण्यात आल्या आहेत.

▪️ लसीकरणासाठीच्या पथकामध्ये 5 सदस्यांचा समावेश असणार आहे, असे आरोग्य विभागाचे प्रधान सचिव डॉ. प्रदिप व्यास यांनी दिली

✍🏻 मंगळवारी रात्री बारापर्यतच नोंदणी- को-विन अ‍ॅपवर 7 लाख 84 हजारापेक्षा अधिक आरोग्य कर्मचाऱ्यांची नोंदणी करण्यात आली आहे. मंगळवार मध्यरात्री 12 वाजेपर्यंत नोंदणी प्रक्रिया सुरु राहणार आहे.

🧊 3 हजार 135 शीतसाखळी केंद्र- राज्यात राज्यस्तरीय 1, विभागीय स्तरावर 9, जिल्हास्तरावर 34, महानगरपालिका स्तरावर 27, असे शीतगृह तयार असून 3 हजार 135 शीतसाखळी केंद्र उपलब्ध आहेत. केंद्र शासनाकडून प्राप्त झालेल्या 1200 व्हॅक्सिन कॅरियरचा पुरवठा जिल्हा व महापालिकांना करण्यात आला आहे.

💁🏻‍♂️ लसीकरणासाठी जिल्हानिहाय केंद्रांची संख्या-

अहमदनगर-21, पुणे-55, नाशिक-23, औरंगाबाद-18, कोल्हापूर-20, अकोला-5, अमरावती-9, बीड-9, भंडारा-5, बुलढाणा-10, चंद्रपूर-11, धुळे-7, गडचिरोली-7, गोंदिया-6, हिंगोली-4, जळगाव-13, जालना-8, लातूर-11, मुंबई-72, नागपूर-22, नांदेड-9, नंदूरबार-7, उस्मानाबाद-5 , पालघर-8, परभणी-5, रायगड-7, रत्नागिरी-9, सांगली-17, सातारा-16, सिंधूदुर्ग-6, सोलापूर-19, ठाणे-42, वर्धा-11, वाशिम-5, यवतमाळ-9 असे एकूण 511 केंद्र आहेत.
➖➖➖➖➖➖➖

विक्की नगराळे
तालुका व चंद्रपुर
शहर प्रतिनिधी
चंद्रपुर