चंद्रपूर महानगरपालिका निवडणूक : राजकुमार खोब्रागडे यांच्या नामांकन अर्ज रॅलीने राजकीय वातावरण तापणार

चंद्रपूर — स्थानिक स्वराज्य संस्थांच्या निवडणुकांच्या पार्श्वभूमीवर चंद्रपूर महानगरपालिका क्षेत्रात राजकीय हालचालींना वेग आला असून, प्रभागातील लोकप्रिय उमेदवार राजकुमार खोब्रागडे यांच्या नामांकन अर्ज रॅलीचे भव्य आयोजन करण्यात आले आहे.
सदर रॅली दि. 30 डिसेंबर 2025 रोजी दुपारी 12.00 ते 1.30 वाजेपर्यंत आयोजित करण्यात आली असून, रॅलीची सुरुवात राजकुमार खोब्रागडे यांच्या निवासस्थानापासून होणार आहे. ही रॅली कृष्णा नगर मनपा सभागृह, एम. बी. मॉडेल शाळेजवळ येथे समाप्त होणार आहे.
परिवर्तनाचा निर्धार, सामान्य माणसाच्या हक्कांचा आवाज आणि स्वच्छ, पारदर्शक व विकासाभिमुख राजकारणाचा संकल्प व्यक्त करणारी ही रॅली ठरणार असल्याचे आयोजकांनी सांगितले. प्रभागातील नवयुवक, महिला, ज्येष्ठ नागरिक तसेच सर्व समाजबांधवांनी मोठ्या संख्येने उपस्थित राहून या रॅलीत सहभाग नोंदवावा, असे आवाहन करण्यात आले आहे.
लोकसहभाग आणि जनतेचा आशीर्वाद हीच खरी ताकद असल्याचे मत व्यक्त करत, या नामांकन अर्ज रॅलीच्या माध्यमातून प्रभागातील नागरिकांना एकत्र आणून परिवर्तनाच्या लढ्यात सक्रिय सहभागी करण्याचा उद्देश असल्याचेही स्पष्ट करण्यात आले.
महानगरपालिका निवडणुकीच्या पार्श्वभूमीवर आयोजित ही रॅली चंद्रपूर शहरातील राजकीय समीकरणांवर प्रभाव टाकणारी ठरण्याची शक्यता असून, शहरातील राजकीय वातावरण अधिक तापण्याची चिन्हे दिसून येत आहेत.