🎬 पांदन रस्त्यावर मध्यरात्री रेतीचोरीचा पर्दाफाश — मोहाडी पोलिसांची कारवाई; ट्रॅक्टरसह १ ब्रास रेती जप्त

मोहाडी | प्रतिनिधी

मोहाडी तालुक्यातील ढोरवाडा परिसरात अवैध रेती वाहतुकीचा प्रकार उघडकीस आला असून, महसूल व पोलिस यंत्रणेच्या संयुक्त कारवाईत तरुण आरोपीला रंगेहाथ पकडण्यात आले आहे.

प्राप्त माहितीनुसार, दि. २८ नोव्हेंबर २०२५ रोजी रात्री सुमारे ८.३० वाजता, मौजा ढोरवाडा ते सुकळी या पांदन रस्त्यावर दुर्गेश नामदेव बोंदरे (वय २६, रा. ढोरवाडा, ता. तुमसर) हा आरोपी सोनालिका कंपनीच्या निळ्या रंगाच्या ट्रॅक्टरद्वारे विना नंबरच्या ट्रॉलीतून १ ब्रास अवैध रेतीची वाहतूक करताना आढळून आला.

ही कारवाई तुमसर येथील ग्राम महसूल अधिकारी श्री. आशिष ए. कोकोडे हे महसुली कारवाईच्या अनुषंगाने पेट्रोलिंग करीत असताना करण्यात आली. सदर कारवाईत ट्रॅक्टर व रेती मुद्देमाल जप्त करून जप्ती पंचनामा तयार करण्यात आला. त्यानंतर मा. तहसीलदार साहेबांनी या प्रकरणी फौजदारी कारवाईस परवानगी दिल्याने, मोहाडी पोलीस स्टेशनमध्ये गुन्हा दाखल करण्यात आला.

या प्रकरणी पोलीस स्टेशन मोहाडी येथे अप. क्र. ३१५/२०२५ अन्वये
भा.न्या.सं. कलम ३०३(२) सह
महाराष्ट्र जमीन महसूल अधिनियम कलम ४८(७), ४८(८) तसेच
पर्यावरण संरक्षण अधिनियम कलम ७, ९ व ५०/१७७ मोटार वाहन कायदा अंतर्गत गुन्हा नोंदविण्यात आला आहे.

🔴 जप्त मुद्देमाल :

१ ब्रास अवैध रेती — अंदाजे किंमत ₹६,०००

सोनालिका कंपनीचा निळ्या रंगाचा ट्रॅक्टर (क्र. DBH 36 S 9487) — अंदाजे किंमत ₹५,००,०००

👉 एकूण जप्त मुद्देमाल : ₹५,०६,०००

सदर प्रकरणाचा पुढील तपास पोलीस हवालदार दुर्योधन भुरे हे करीत असून, तालुक्यातील अवैध रेती उत्खनन व वाहतुकीविरोधात प्रशासनाची कडक भूमिका पुन्हा एकदा स्पष्ट झाली आहे.

रेतीचोरीवर नियंत्रण ठेवण्यासाठी अशीच कठोर कारवाई सुरू राहणार असल्याचे संकेत प्रशासनाने दिले आहेत.

संकलन:- अमर वासनिक, न्यूज एडिटर, पोलिस योद्धा न्यूज नेटवर्क