बळीराजाच्या आक्रोशाला फुटली वाचा! संपूर्ण गडचिरोली जिल्हा ‘दुष्काळग्रस्त’ घोषित करण्याची धडक मागणी; शिवसेनेच्या रणशिंगानंतर प्रशासनही हलले!

विशेष प्रतिनिधी | पोलीस योद्धा न्यूज नेटवर्क

अहेरी (जि. गडचिरोली):

​पूर्व विदर्भातील शेतकरी आज अस्मानी संकटाच्या विळख्यात सापडला असताना, गडचिरोली जिल्ह्यातील बळीराजाच्या हक्कासाठी आता जोरदार आवाज उठवण्यात आला आहे. गडचिरोली जिल्ह्यातील सर्वच तालुक्यांना तात्काळ ‘दुष्काळी तालुके’ म्हणून घोषित करण्यात यावे, या मागणीसाठी शिवसेना (ओ.बी.सी. विभाग) गडचिरोली-चिमूर लोकसभेचे संघटक नरेंद्रभाऊ कंदिकुरवार यांनी आपल्या पदाधिकाऱ्यांसह थेट राज्य सरकारचे दार ठोठावले आहे. या धडक निवेदनाची गंभीर दखल घेत अहेरीच्या तहसीलदारांनीही तातडीने पुढील कार्यवाहीची चक्रे फिरवत हे निवेदन जिल्हाधिकाऱ्यांकडे सादर केले आहे.

​नेमके प्रकरण काय? बळीराजावर अन्याय का?

​पूर्व विदर्भातील सर्वच जिल्हे सध्या दुष्काळाच्या छायेत होरपळत आहेत. मात्र, दुष्काळाच्या पहिल्या टप्प्यात (ट्रिगर-१ मध्ये) समाविष्ट न झालेल्या पूर्व विदर्भातील गडचिरोली जिल्ह्यातील संपूर्ण तालुक्यांमधील शेतकऱ्यांचे अतोनात नुकसान झाले आहे. हाता तोंडाशी आलेला घास हिरावला गेल्याने शेतकरी हवालदिल झाला असून, जिल्ह्यातील सर्व तालुक्यांची तात्काळ प्रत्यक्ष ‘मौका चौकशी’ व तपासणी करून संपूर्ण गडचिरोली जिल्ह्यातील तालुके दुष्काळग्रस्त घोषित करावेत, अशी आग्रही मागणी करण्यात आली आहे.

​मंत्रालयापर्यंत धडकले बळीराजाच्या न्यायाचे पत्र!

​दिनांक १ ऑक्टोबर २०२६ रोजी अहेरी तहसील कार्यालयामार्फत हे महत्त्वपूर्ण निवेदन राज्याच्या सर्वोच्च नेतृत्वाकडे पाठवण्यात आले आहे. यामध्ये खालील वरिष्ठ नेत्यांकडे न्यायाची दाद मागण्यात आली आहे:

​राज्याचे मुख्यमंत्री मा. ना. श्री. देवेंद्र फडणवीस यांना हे निवेदन सादर करण्यात आले आहे.

​उपमुख्यमंत्री मा. ना. श्री. एकनाथ शिंदे साहेब आणि उपमुख्यमंत्री मा. ना. श्रीमती सुनेत्राताई पवार यांच्याकडेही ही मागणी मांडण्यात आली आहे.

​यासोबतच राज्याचे कृषी मंत्री मा. ना. श्री. दत्तात्रय भरणे आणि राज्यमंत्री मा. ना. श्री. आशिषजी जयस्वाल यांनाही या पत्राद्वारे शेतकऱ्यांच्या व्यथा कळवण्यात आल्या आहेत.

​शिवसेनेच्या या शिलेदारांनी उठवला आवाज!

​शेतकऱ्यांच्या हक्काच्या या लढ्यात खालील पदाधिकाऱ्यांनी आणि शिवसैनिकांनी पुढाकार घेतला आहे:

​नरेंद्रभाऊ कंदिकुरवार (ओ.बी.सी. विभाग संघटक, गडचिरोली-चिमूर लोकसभा).

​अरुणदादा धुर्वे (मा. उपजिल्हा प्रमुख, अहेरी विधानसभा).

​बिरजूदादा गेडाम (वैद्यकीय मदत कक्ष जिल्हा प्रमुख).

​आयुष एस. मामीडवार (शिवसैनिक) आणि दिनेश तोटावार (शिवसैनिक) यांच्याही या निवेदनावर स्वाक्षऱ्या आहेत.

​प्रशासनात वेगवान हालचाली; फक्त २४ तासांत फाईल जिल्हाधिकाऱ्यांच्या टेबलावर!

​१ ऑक्टोबर २०२६ रोजी अहेरी तहसील कार्यालयात हे निवेदन प्राप्त होताच प्रशासनाने याची तातडीने दखल घेतली. दुसऱ्याच दिवशी, म्हणजेच २ ऑक्टोबर २०२६ रोजी, अहेरीचे तहसीलदार तथा तालुका दंडाधिकारी यांनी मुख्यमंत्र्यांना सादर करावयाचे हे मूळ निवेदन पुढील आवश्यक कार्यवाहीसाठी थेट गडचिरोलीच्या जिल्हाधिकाऱ्यांकडे अधिकृत पत्राद्वारे पाठवले आहे. तसेच याची माहिती प्रत अहेरीचे अपर जिल्हाधिकारी आणि उपविभागीय अधिकारी यांनाही सादर करण्यात आली आहे.

​आता संपूर्ण गडचिरोली जिल्ह्याचे लक्ष शासनाच्या निर्णयाकडे लागले असून, प्रशासनाच्या या पत्रव्यवहारानंतर शासनाकडून बळीराजाला कधी दिलासा मिळणार, हे पाहणे महत्त्वाचे ठरणार आहे!

राजकुमार खोब्रागडे
मुख्य संपादक
पोलिस योद्धा न्यूज नेटवर्क