महसूल मंत्री चंद्रशेखर बावनकुळे यांनी केली दुष्काळी स्थितीची पाहणी
कोंढाळी (विशेष बातमी/प्रतिनिधी):
अध्यात्माची दिव्य जोड आणि भारतीय संस्कृतीचा भक्कम पाया… याच विचारांतून उद्याचा समृद्ध, सुसंस्कृत अन् देशभक्त भारत घडणार आहे! कोंढाळी (विकास नगर) येथील श्री संत गजानन महाराज ध्यान साधना केंद्रात (ज्ञान मंदिर) आयोजित ‘आध्यात्मिक व भारतीय सांस्कृतिक बाल संस्कार शिबिरा’दरम्यान असाच भक्ती आणि देशप्रेमाचा अनोखा संगम पाहायला मिळाला.
या प्रेरणादायी सोहळ्यात महाराष्ट्राचे माजी मंत्री सुनील केदार आणि रामटेक लोकसभा मतदारसंघाचे खासदार श्यामकुमार बर्वे यांनी श्री संत गजानन महाराजांच्या चरणी नतमस्तक होऊन पावन दर्शन घेतले व उपस्थित बाल वारकरी, विद्यार्थी आणि भाविकांना मार्गदर्शन केले.
🎬 “केवळ पुस्तकी शिक्षण अपुरे; अध्यात्माची जोड हीच काळाची गरज!”
आधुनिक युगातील तंत्रज्ञानाच्या वेगाचा उल्लेख करत माजी मंत्री सुनील केदार म्हणाले:
“आजच्या तंत्रज्ञानाच्या युगात केवळ पुस्तकी ज्ञानाने मनुष्य मोठा होत नाही. जेव्हा शिक्षणाला अध्यात्माची आणि भारतीय संस्कृतीची जोड मिळते, तेव्हाच सुदृढ, संवेदनशील आणि कर्तव्यदक्ष नागरिक निर्माण होतात. बालपणातील संस्कार हे पाषाणावर कोरलेल्या रेघेसारखे कायमस्वरूपी राहतात. याच संस्कारातून घडणारी बालके पुढे चालून देशाला आणि समाजाला योग्य दिशा देतील.”
यावेळी त्यांनी शिबिरात सहभागी झालेल्या सर्व ‘बालवीरांचे’ आणि आपल्या पाल्यांना अशा पवित्र उपक्रमात पाठवणाऱ्या पालकांचे मनःपूर्वक अभिनंदन केले.
🌸 ज्ञान मंदिराचे स्तुत्य कार्य; आयोजकांची विशेष प्रशंसा!
ग्रामीण भागात अशा प्रकारची शिबिरे सातत्याने आयोजित केल्याने समाजातील सांस्कृतिक आणि नैतिक घडी अधिक मजबूत होईल, असा विश्वास व्यक्त करत सुनील केदार यांनी ज्ञान मंदिराचे अध्यक्ष जीवनराव जंवजाळ व संपूर्ण सेवेकरी टीमच्या शिस्तबद्ध आयोजनाची आणि कार्याची मनापासून प्रशंसा केली.
👥 मान्यवरांची मांदियाळी अन् भक्तीमय वातावरण!
या सोहळ्यास खासदार श्यामकुमार बर्वे यांच्यासह प्रा. भास्कर पराड, याज्ञवल्क्य जिचकार, गणेश वानखेडे, पदम डेहणकर, प्रशांत डेहणकर, वैभव दुधे, दिनेश गिरडकर, अंकित चव्हाण, विकास कामडी, कुणाल भांगे, राजेश गाडगे, संजय सवई, पवन तीवारी, शंकर सरोदे, अशोक मलवे, सुभाष सांगोले यांच्यासह अनेक मान्यवर व सेवेकरी प्रामुख्याने उपस्थित होते.
संस्कार शिबिरातील बाल वारकरी, विद्यार्थी, त्यांचे पालक आणि परिसरातील शेकडो भाविकांच्या उपस्थितीने संपूर्ण परिसर हरिनामाचा गजर आणि ‘गण गण गणात बोते’च्या जयघोषाने अक्षरशः भक्तीमय वातावरणात दुमदुमून गेला होता.
ब्युरो रिपोर्ट, कोंढाळी (विशेष बातमी)