अवैध रेती वाहतुकीवर पोलिसांचा घणाघात सिहोरा पोलीस ठाण्याच्या हद्दीत ट्रॅक्टर–ट्रॉलीसह ₹7.06 लाखांचा मुद्देमाल जप्त

तुमसर | प्रतिनिधी
भंडारा जिल्ह्यात अवैध रेती उत्खनन व वाहतुकीविरोधात पोलिसांनी कारवाईचा सपाटा सुरूच ठेवला असून, सिहोरा पोलीस ठाण्याच्या हद्दीत मोठी कारवाई करण्यात आली आहे. मौजा टेमणी शिवार सोंड्या–टेमणी रोड परिसरात अवैधरित्या रेती वाहतूक करणाऱ्या एका ट्रॅक्टरवर छापा टाकून ₹7 लाखांहून अधिक किंमतीचा मुद्देमाल जप्त करण्यात आला आहे.
दि. 29 जानेवारी 2026 रोजी सकाळी 8.45 वाजताच्या सुमारास, स्थानिक गुन्हे शाखा भंडारा येथील पोलीस उपनिरीक्षक प्रविण बाबाराव पाटील (वय 43) हे आपल्या पथकासह अवैध रेती वाहतूक प्रतिबंधक कारवाईसाठी पेट्रोलिंग करत असताना ही कारवाई करण्यात आली.
यावेळी आनंद ऋषी उताणे (वय 25, रा. सिंधपुरी, ता. तुमसर, जि. भंडारा) हा आरोपी आपल्या ताब्यातील ट्रॅक्टर–ट्रॉलीमधून विना परवाना रेती वाहतूक करताना रंगेहाथ पकडण्यात आला.
जप्त मुद्देमाल
पोलिसांनी आरोपीकडून पुढील मुद्देमाल जप्त केला आहे —
स्वराज 843 एक्सएम कंपनीचा निळ्या रंगाचा ट्रॅक्टर (विना क्रमांक)
चेसीस नं. : डठछ।ै48।ठज्ञज्क्36440
इंजिन नं. : त्ज्ञस्2ज्ञळ।1367
विना क्रमांकाची निळ्या रंगाची ट्रॉली
ट्रॉलीमध्ये भरलेली अंदाजे 1 ब्रास रेती (किंमत ₹6,000)
एकूण जप्त मुद्देमालाची अंदाजे किंमत ₹7,06,000 इतकी आहे.
गुन्हा दाखल
या प्रकरणी फिर्यादीच्या लेखी तक्रारीवरून पोलीस स्टेशन सिहोरा येथे अपराध क्रमांक 18/2026 अंतर्गत
कलम 305 (ई) भारतीय न्याय संहिता 2023,
सहकलम 48 (8) महाराष्ट्र जमीन महसूल संहिता,
सहकलम 7, 9 पर्यावरण संरक्षण अधिनियम,
सहकलम 3(1) संबंधित अधिनियमांन्वये
गुन्हा दाखल करण्यात आला आहे.
पुढील तपास सुरू
या प्रकरणाचा पुढील तपास पोलीस हवालदार सुनील कासदा (ब.नं. 881) हे करीत असून, अधिक माहिती गोळा करण्याचे काम सुरू आहे.
पोलिसांचा इशारा
भंडारा जिल्ह्यात अवैध रेती उत्खनन व वाहतूक करणाऱ्यांविरोधात कठोर कारवाई सुरूच राहणार असून, कायद्याचे उल्लंघन करणाऱ्यांना कोणतीही सूट दिली जाणार नाही, असा स्पष्ट इशारा पोलीस प्रशासनाने दिला आहे.