🔴 जुगार व दारू अड्ड्यांवर पोलिसांचा कडवा प्रहार विविध पोलीस ठाण्यांत एकाचवेळी धाडसत्र; ₹77,488 रुपयांचा अवैध मुद्देमाल जप्त

भंडारा | प्रतिनिधी :
जिल्ह्यातील अवैध धंद्यांना पूर्णपणे आळा घालण्यासाठी जिल्हा पोलीस अधीक्षक श्री. नूरुल हसन यांनी दिलेल्या स्पष्ट निर्देशांनुसार भंडारा जिल्ह्यातील विविध पोलीस ठाण्यांच्या हद्दीत जुगार व अवैध दारू अड्ड्यांवर एकाचवेळी धाडसत्र राबविण्यात आले. या कारवाईत पोलिसांनी एकूण ₹77,488 रुपयांचा अवैध मुद्देमाल जप्त करत अनेक आरोपींवर कायदेशीर कारवाई केली आहे.
🔹 कारधा पोलीस स्टेशन
कारधा पोलीस ठाण्याच्या हद्दीत जुगार अड्ड्यावर छापा टाकून
राकेश नरेश मते (वय 26), सचिन रमेश शेंडे (वय 34) व मनोज अरुण कुसराम (वय 26) यांना अटक करण्यात आली.
त्यांच्याकडून ₹975 रोख रक्कम, फळावरील ₹245, 52 पत्त्यांचा कडबा असा ₹1,255 चा मुद्देमाल जप्त करण्यात आला.
🔹 अड्याळ पोलीस स्टेशन
अड्याळ येथे प्रदीप जयदेव वैद्य (वय 52) याच्याकडून
₹780 रोख, सट्टापट्टी कागद, डॉटपेन व कार्बन असा ₹785 चा मुद्देमाल हस्तगत करण्यात आला.
🔹 लाखांदूर पोलीस स्टेशन
पंकज विलास लोणारे (वय 29) याच्याकडून मटका-सट्ट्याशी संबंधित साहित्य व
₹775 रोख रक्कम असा ₹778 चा मुद्देमाल जप्त करण्यात आला.
🔹 भंडारा पोलीस स्टेशन
सुनिल शामराव येळणे (वय 38) याच्याकडून
९ लिटर मोहफुलाची हातभट्टी दारू जप्त करण्यात आली असून तिची किंमत ₹1,800 आहे.
🔹 वरठी पोलीस स्टेशन
वरठी येथे मोठी कारवाई करत
अविनाश गुलाब वैद्य (वय 42) याच्याकडून
२५० किलो सडवा मोहाफास रसायन व प्लास्टिक ड्रम्स असा ₹52,500 चा मुद्देमाल जप्त करण्यात आला.
🔹 सिहोरा पोलीस स्टेशन
संजय मारोती निमजे (वय 43) याच्याकडून
३५ लिटर हातभट्टी दारू जप्त करण्यात आली असून त्याची किंमत ₹7,000 आहे.
🔹 गोबरवाही पोलीस स्टेशन
मोहन बिसन हरदिया (वय 60) याच्याकडून
५ लिटर अवैध दारू जप्त करण्यात आली, किंमत ₹1,000.
🔹 साकोली पोलीस स्टेशन
श्रीमती मुक्ता मनोज उके (वय 45) यांच्याकडून
६० लिटर हातभट्टी दारू जप्त करण्यात आली असून तिची किंमत ₹12,000 आहे.
🔹 लाखनी पोलीस स्टेशन
चंदन श्रीराम मेश्राम (वय 59) याच्याकडून
देशी दारूचे ९ पव्वे जप्त करण्यात आले, किंमत ₹360.
📊 एकूण कारवाईचा आढावा
जुगार अड्ड्यांवर जप्त मुद्देमाल : ₹2,828
दारू अड्ड्यांवर जप्त मुद्देमाल : ₹74,660
एकूण जप्त मुद्देमाल : ₹77,488
सदरची कारवाई मा. पोलीस अधीक्षक भंडारा श्री. नूरुल हसन यांच्या मार्गदर्शनाखाली संबंधित पोलीस ठाण्यांचे ठाणेदार व पोलीस अंमलदार यांनी प्रभावीपणे पार पाडली. जिल्ह्यातील अवैध धंद्यांविरोधात अशीच कठोर कारवाई पुढेही सुरू राहणार असल्याचा इशारा पोलिसांनी दिला आहे.

संकलन:- अमर वासनिक, न्यूज एडिटर, पोलिस योद्धा न्यूज नेटवर्क