🔴 रेती चोरीचा पर्दाफाश महामार्ग पेट्रोलिंगदरम्यान अवैध रेती वाहतूक उघडकीस; ₹35.36 लाखांचा मुद्देमाल जप्त

करडी | प्रतिनिधी :
अवैध रेती चोरीविरोधात पोलीस प्रशासनाने कडक कारवाई करत मोठा धक्का दिला आहे. करडी पोलीस स्टेशन हद्दीत महामार्ग पेट्रोलिंगदरम्यान अवैधरित्या रेती वाहतूक करणारा टिपर पकडण्यात आला असून, ₹35.36 लाखांचा मुद्देमाल जप्त करण्यात आला आहे.
दिनांक 05 जानेवारी 2026 रोजी सायंकाळी 8.00 ते 9.30 वाजताच्या दरम्यान, देव्हाडा खुर्द – एलोरा पेपरमिल रोड येथे करडी पोलीस स्टेशनचे सफौ. 251 विनायक पांडुरंग बावने हे सपोनि नागलोत साहेब तसेच पोशि. 160 व पोशि. 1303 यांच्या सहकार्याने महामार्ग पेट्रोलिंग करत असताना संशयास्पदरीत्या उभा असलेला एक टिपर आढळून आला.
तपासणीदरम्यान सदर टिपरचा चालक
समीर परसराम धुमनखेडे
वय : 23 वर्षे,
रा. पारडी, ता. मोहाडी
याच्या ताब्यातील अशोक लेलँड कंपनीचा टिपर (क्रमांक MH-40 CM-9992) मध्ये अंदाजे 6 ब्रास रेती अवैधरित्या वाहतूक केल्याचे निदर्शनास आले. रेती वाहतुकीस कोणताही अधिकृत पास किंवा परवाना नसल्याने ही वाहतूक बेकायदेशीर व संशयास्पद असल्याचे स्पष्ट झाले.
यानंतर फिर्यादी सफौ. विनायक बावने यांनी पोलीस स्टेशन करडी येथे परत येऊन लेखी तक्रार दाखल केली. तक्रारीच्या आधारे मा. ठाणेदार साहेबांच्या तोंडी आदेशाने आरोपीविरुद्ध पुढील कलमान्वये गुन्हा नोंद करण्यात आला आहे –
पोलीस स्टेशन करडी
गुन्हा क्रमांक : 03/2026
▪️ कलम 303(2) भा.न्या.सं.
▪️ कलम 47 व 48 महाराष्ट्र महसूल अधिनियम
▪️ कलम 7 व 9 पर्यावरण संरक्षण अधिनियम
🚨 जप्त मुद्देमाल :
▪️ अशोक लेलँड कंपनीचा टिपर
(MH-40 CM-9992)
किंमत : ₹35,00,000/-
▪️ अंदाजे 6 ब्रास रेती
किंमत : ₹36,000/-
➡️ एकूण जप्त मुद्देमाल : ₹35,36,000/-
या प्रकरणाचा पुढील तपास
पोलीस हवालदार अमितकुमार कुंभरे
(मो. 8208503183)
करत असून, अवैध रेती चोरीमुळे शासनाचा महसूल बुडवणाऱ्यांवर कठोर कारवाई करण्यात येणार असल्याचा इशारा पोलीस प्रशासनाकडून देण्यात आला आहे.