🔴 रेती चोरीवर प्रशासनाचा कडक प्रहार अवैध गौण खनिज वाहतूक करताना टिपर जप्त; ₹35.36 लाखांचा मुद्देमाल हस्तगत

मोहाडी | प्रतिनिधी :
अवैध रेती व मुरूम चोरीमुळे पर्यावरणाचा होत असलेला ऱ्हास आणि शासनाच्या महसुलाला बसणारा फटका रोखण्यासाठी प्रशासनाने कडक भूमिका घेतली असून, भंडारा तालुक्यात मोठी कारवाई करण्यात आली आहे.
दिनांक 26 डिसेंबर 2025 रोजी सायंकाळी 6.50 वाजता, मौजा कारधा चौकाजवळ (सुमारे 3 किमी पूर्व) अवैध गौण खनिज वाहतूक तपासणीदरम्यान मा. उपविभागीय अधिकारी (सा.) भंडारा यांनी संशयास्पदरीत्या धावणारा एक टिपर थांबवून तपासणी केली. तपासणीअंती सदर टिपरमध्ये अंदाजे 5 ते 6 ब्रास रेती/मुरूम अवैधरित्या भरलेली आढळून आली.
सदर वाहनाचे चालक व मालक
नामे मारोती (गोलू) चैतराम बंसोड
वय : 35 वर्षे,
रा. बेला
याने विना पास व परवाना शासनाची रेती चोरी करून वाहतूक केल्याचे निष्पन्न झाले. या कृत्यामुळे शासनाचा महसूल बुडविण्यात आला असून, पर्यावरण संरक्षण कायद्याचेही उल्लंघन करण्यात आले आहे.
या प्रकरणी मा. तहसीलदार, भंडारा श्री. संदीप काशिनाथ माकोडे यांच्या आदेशानुसार तहसील कार्यालयातील कर्मचारी विठ्ठल बाबासाहेब मुंडे (वय 34, रा. तहसील कार्यालय भंडारा) यांनी पोलीस स्टेशन मोहाडी येथे तोंडी फिर्याद दिली.
त्यावरून पोलीस स्टेशन मोहाडी येथे
गुन्हा क्रमांक 07/2026
खालील कलमान्वये गुन्हा नोंद करण्यात आला आहे –
▪️ कलम 303(2) भा.न्या.सं.
▪️ कलम 48(7)(8) महाराष्ट्र जमीन महसूल अधिनियम
▪️ कलम 7 व 9 पर्यावरण संरक्षण अधिनियम, 1986
🚨 जप्त केलेला मुद्देमाल :
▪️ अशोक लेलँड कंपनीचा टिपर
(क्रमांक MH-40 CM-9992)
किंमत : ₹35,00,000/-
▪️ अंदाजे 6 ब्रास रेती/मुरूम
किंमत : ₹36,000/-
➡️ एकूण जप्त मुद्देमाल : ₹35,36,000/-
या संपूर्ण प्रकरणाचा पुढील तपास
पोलीस हवालदार थेर
(मो. 9834132001)
करत असून, त्यांच्याकडे प्रस्तुत मुद्देमालची फोटो उपलब्ध नाही आहे. अवैध रेती चोरीविरोधात अशाच कठोर कारवाया पुढेही सुरू राहणार असल्याचा इशारा प्रशासनाने दिला आहे.