🎬 गोबरवाही पोलिसांची धडाकेबाज कारवाई — 15.12 लाखांचा अवैध रेतीवाहतूक प्रकरण उघड; हाफ-बॉडी ट्रक जप्त

गोबरवाही (ता. तुमसर, जि. भंडारा):
तहसील तुमसर परिसरात अवैधरित्या सुरू असलेल्या रेती तस्करीवर गदा आणत गोबरवाही पोलीस ठाण्याने आणखी एक मोठी कारवाई केली आहे. 15 लाख 12 हजार रुपयांचा मुद्देमाल जप्त करून एक आरोपीविरुद्ध गुन्हा नोंदविण्यात आला आहे.

—

घटना कशी उघडकीस आली?

मंडळ अधिकारी राजेश उदेभान उईके (वय 49 वर्ष) आणि त्यांचे भरारी पथक तहसील तुमसर परिसरात नियमित पेट्रोलिंग करत होते.
दि. 03/12/2025 रोजी सायंकाळी 8 वाजता, मौजा आसलपाणी बस स्टॉपजवळ 8 किमी दक्षिणेकडे एक पिवळ्या रंगाचा हाफ-बॉडी ट्रक वेगाने जात असल्याचे दिसून आल्यानंतर पथकाने वाहन थांबविले.

चौकशी केल्यानंतर वाहनात 2 ब्रास रेती असल्याचे आढळले. चालकाकडे कोणताही पास वा वैध परवाना नव्हता. यावरून ही रेती अवैधरीत्या चोरी करून वाहतूक केली जात असल्याचे स्पष्ट झाले.

—

आरोपी माहिती

संतोष नंदलाल पुष्पतोडे
वय 35 वर्ष
रा. लोभी, ता. तुमसर

हा आपल्या ताब्यातील ट्रकमधून बेकायदेशीर रेती वाहतूक करताना आढळल्याने त्याच्यावर गुन्हा नोंदविण्यात आला.

—

जप्त मुद्देमाल

मालाचे वर्णन किंमत

पिवळ्या रंगाचा हाफ-बॉडी ट्रक (क्रमांक: डभ् 36/।। 4682) ₹15,00,000
2 ब्रास अवैध रेती ₹12,000
एकूण मुद्देमाल ₹15,12,000

 

—

गुन्हा नोंद

या प्रकरणी गोबरवाही पोलीस ठाण्यात अपराध क्र. 460/2025
खालील कलमान्वये गुन्हा नोंद:

कलम 303(2) भा.न्या. संहिता 2023

कलम 48(8) महाराष्ट्र जमीन महसुल अधिनियम 1966

कलम 7, 9 पर्यावरण संरक्षण अधिनियम 1986

पुढील तपास पो.हवा. गणेश बांते करत आहेत.
मो. 9637609227

—

पोलिसांची सावधगिरी — रेती माफियांवर सतत नजर

गोबरवाही, तुमसर आणि परिसरात अवैध रेती उत्खनन व वाहतुकीवर नियंत्रण ठेवण्यासाठी पोलिसांची कडक पावले सुरु आहेत. या कारवाईमुळे रेती तस्करी करणाऱ्या टोळ्यांमध्ये भीतीचे वातावरण निर्माण झाले आहे. प्रशासनाकडून अशा अवैध कृतींवर आणखी कठोर कारवाई होण्याची शक्यता आहे.

—

संकलन:- अमर वासनिक, न्यूज एडिटर, पोलिस योद्धा न्यूज नेटवर्क