📰 भंडाऱ्यात कायदा-सुव्यवस्थेची धडाकेबाज मोहीम : बंदुकीचा धाक, रेतीचोरीचा पर्दाफाश आणि तडीपार आरोपीला पकडले!

बंदुकीचा धाक दाखवून मारहाण

पोलीस स्टेशन – गोबरवाही

मौजा आष्टी (ता. तुमसर) येथे मंदिरातील पूजेच्या चर्चेदरम्यान गावातील एका शेतकऱ्याला बंदुकीचा धाक दाखवून धमकावल्याची घटना घडली आहे.
फिर्यादी अजय फागुराम गहाने (वय 35, रा. लोभी, ता. तुमसर) हे मौजा आष्टी गावातील धान गोडाऊनमध्ये काही व्यक्तींशी पूजेबाबत चर्चा करत असताना आरोपी शिषुपाल मणीराम गौपाले (वय 40, रा. आष्टी) यांनी गोडाऊनमध्ये येऊन शिवीगाळ केली. फिर्यादीने विरोध केल्यावर आरोपीने बाहेर उभ्या असलेल्या पांढऱ्या बलेनो (MH 36 EL 2392) गाडीतून बंदूक काढून फिर्यादीस धमकावले आणि “तु गावात पूजा कशी करतो ते मी पाहतो” असे म्हणत जीवाने मारण्याची धमकी दिली.
या घटनेमुळे फिर्यादीच्या जीवाला धोका निर्माण झाल्याने त्यांनी पोलीस स्टेशन गोबरवाही येथे तक्रार दाखल केली.
या प्रकरणी गोबरवाही पोलीस ठाण्यात गुन्हा क्र. 412/2025, कलम 352, 351(3), 329 भा.दं.वि. व शस्त्र अधिनियम 1959 च्या कलम 6/25 अंतर्गत गुन्हा नोंद करण्यात आला आहे.
तपास पो.उप.नि. चैप रोडे करीत आहेत.
📞 संपर्क : 9511730615

—

रेती चोरी प्रकरण

पोलीस स्टेशन – वरठी

नेरी ते एकलारी रोडवरील मौजा एकलारी शिवारात अवैध रेती वाहतुकीचा पर्दाफाश करण्यात आला आहे.
आरोपी अमित भोजीराम शेन्डे (वय 26, रा. मालीपार) हा आपल्या ट्रक (MH 36 AA 2241) मध्ये परवाना नसताना अंदाजे 6 ब्रास रेती (किंमत ₹36,000) वाहतूक करत होता.
हा ट्रक मनीष दिलीप मेहर (रा. भंडारा) यांच्या सांगण्यावरून वापरला जात होता.
छाप्यात ट्रक (किंमत ₹25,00,000), रेती (₹36,000) व एक मोबाईल फोन (₹30,000) असा एकूण ₹25,66,000 किंमतीचा मुद्देमाल जप्त करण्यात आला.
या प्रकरणी वरठी पोलीस ठाण्यात गुन्हा क्र. 340/2025, कलम 303(2), 49 भा.दं.वि. तसेच महसुल, खान-खनिज व सार्वजनिक संपत्ती नुकसान प्रतिबंधक अधिनियमांतर्गत गुन्हा नोंद करण्यात आला आहे.
तपास पो.ह.वा. नंदकिशोर मारबते (1073) करीत आहेत.
📞 संपर्क : 7020453673

—

तडीपार आदेशाचे उल्लंघन

पोलीस स्टेशन – भंडारा

भंडारा शहरात पेट्रोलिंग दरम्यान पोलिसांनी तडीपार आरोपीला प्रतिबंधित क्षेत्रात अटक केली.
मा. उपविभागीय दंडाधिकारी यांच्या आदेशानुसार, आरोपी अशोक सुर्यभान खोब्रागडे (वय 50, रा. गणेशपुर) यास 6 महिन्यांसाठी तडीपार करण्यात आले होते.
मात्र तो गणेशपुर परिसरात आढळून आल्याने पोलीस ठाणे भंडारा येथे गुन्हा क्र. 1493/2025, कलम 142 महाराष्ट्र पोलीस कायद्यान्वये नोंद करण्यात आला आहे.
तपास म.पो.उप.नि. रजनी तुमसरे करीत आहेत.
📞 संपर्क : 9823890188

—

मर्ग (अपघाती मृत्यू)

पोलीस स्टेशन – भंडारा

परसोडी येथील दिलीप दुधराम हटवार (वय 50) हे 31 ऑक्टोबर रोजी घरून बाहेर पडून परत न आल्याने कुटुंबीयांनी गुमशुदगीची तक्रार नोंदवली होती.
2 नोव्हेंबर रोजी सकाळी पोलिसांच्या मदतीने शोध घेतला असता त्यांचा मृतदेह मौजा कोरंभी येथील वैनगंगा नदीपात्रात आढळून आला.
या प्रकरणी भंडारा पोलीस ठाण्यात मर्ग क्र. 00/2025, कलम 194 भारतीय नागरीक सुरक्षा संहिता 2023 अन्वये नोंद करण्यात आला आहे.
तपास म.पो.उप.नि. रजनी तुमसरे करीत आहेत.
📞 संपर्क : 9823890188

—

📰 संपादकीय टिप्पणी :
भंडारा जिल्ह्यातील पोलीस यंत्रणेने अलीकडच्या काळात रेतीचोरी, शस्त्रधारी गुन्हे व तडीपार आदेश उल्लंघनाविरुद्ध कारवाई तीव्र केली आहे. या घटना समाजातील कायदा-सुव्यवस्थेच्या देखरेखीसाठी पोलिसांची जागरूकता दाखवतात.

—