🚨 भंडारा जिल्ह्यात रेती चोरी, दरोडा, अपघात आणि मृत्यूच्या सात घटनांची नोंद

भंडारा प्रतिनिधी | पोलिस योद्धा न्यूज नेटवर्क | दि. 12 ऑक्टोबर 2025

भंडारा जिल्ह्यातील विविध पोलिस ठाण्यांच्या हद्दीत गेल्या काही दिवसांत रेती चोरी, दरोडा, अपघात व मृत्यूच्या एकूण सात घटनांची नोंद करण्यात आली आहे. जिल्हा पोलीस अधीक्षक कार्यालय, भंडारा यांनी दिलेल्या माहितीनुसार मोहाडी, भंडारा, तूमसर, सिहोरा, वरठी आणि लाखांदूर येथे या घटना घडल्या आहेत.

—

1️⃣ पोलीस ठाणे मोहाडी — अवैध रेती वाहतूक प्रकरण

दि. 11 ऑक्टोबर 2025, पहाटे साडेबारा वाजण्याच्या सुमारास मोहाडी पोलिसांनी मौजा सुकळी रेतीघाट वैनगंगा नदीपात्र येथे अवैधरीत्या रेती वाहतूक करणारे दोन ट्रॅक्टर पकडले.
फिर्यादी पोलीस सफौ रामरत्न खोकले यांनी दिलेल्या माहितीनुसार, आरोपी दुर्गेश रामदेव बोदरे (25) व अक्षय अधिमय बुधे (26) हे सोनालीका व स्वराज या दोन ट्रॅक्टरद्वारे परवाना नसताना रेती वाहतूक करत होते.
सदर ट्रॅक्टर व ट्रॉली मिळून एकूण ₹7,12,000 किंमतीचा मुद्देमाल जप्त करण्यात आला आहे.
या प्रकरणात गुन्हा क्र. 261/2025, कलम 303(2), महाराष्ट्र जमीन महसूल अधिनियम 48(8) व पर्यावरण संरक्षण अधिनियम 1986 अंतर्गत गुन्हा नोंदविण्यात आला असून तपास पो.हवा. दुर्योधन मुरे करीत आहेत.

—

2️⃣ पोलीस ठाणे भंडारा — अल्पवयीनावर हल्ला व लूट

दि. 3 ऑक्टोबर ते 4 ऑक्टोबर 2025 दरम्यान, भंडारा शहरातील वार्को सिटी परिसरात अल्पवयीन मुलावर हल्ला करून मोबाईल टॅब आणि रोकड रक्कम हिसकावल्याची घटना घडली.
फिर्यादी मानस अनिल श्रीभाद्रे (17) यांनी दिलेल्या माहितीनुसार, आरोपींनी त्याला शिवीगाळ करून दोन तास बंदी बनवले व त्याच्या खिशातील ₹300 आणि एक सॅमसंग टॅब जबरदस्तीने घेतला.
या प्रकरणात गुन्हा क्र. 1386/2025, कलम 126(2),127(2),115(2),352,308(2),310(2) भारतीय न्याय संहिता अंतर्गत नोंद करण्यात आला आहे.
तपास सपोनि खांदाडे करीत आहेत.

—

3️⃣ पोलीस ठाणे तूमसर — दुचाकी अपघातात एक जखमी

दि. 11 ऑक्टोबर 2025 रोजी सायंकाळी साडेसहा वाजता येरली येथील पेट्रोल पंपाजवळ दुचाकी आणि इलेक्ट्रिक स्कूटीचा समोरासमोर अपघात झाला.
फिर्यादी रामदयाल रहांगडाले (50) यांच्या साळ्याला, उमेश ठाकरे यांना गंभीर दुखापत झाली.
अपघातात MH36 AP 7664 क्रमांकाची इलेक्ट्रिक स्कूटी चालवणारा आशिक टेंभरे याने बेदरकारपणे वाहन चालवले असल्याचे दिसून आले आहे.
या प्रकरणात गुन्हा क्र. 667/2025, कलम 281,125(अ) भारतीय न्याय संहिता 2023 नुसार गुन्हा नोंदविला असून तपास पो.उ.नि. मनोहर शहारे करीत आहेत.

—

4️⃣ पोलीस ठाणे सिहोरा — रेती चोरी प्रकरण

दि. 9 ऑक्टोबर 2025 रोजी सकाळी 11 वाजता मौजा मांडवी रेतीघाट येथे अवैधरीत्या रेती वाहतूक करणारे दोन ट्रॅक्टर पकडण्यात आले.
आरोपी मोरेश्वर ढबाले (36) व दुर्गेश रहांगडाले (28) हे परवाना नसताना रेती वाहतूक करत होते.
जप्त मालमत्ता —

आयशर ट्रॅक्टर (MH36AL7216) व ट्रॉली (MH36Z8085) किंमत ₹6,00,000

स्वराज ट्रॅक्टर (MH34BF9702) व ट्रॉली (MH36G2496) किंमत ₹6,00,000

रेती एकूण ₹12,000
एकूण मुद्देमाल ₹12,12,000 रुपये जप्त करण्यात आला.
या प्रकरणात ग्राम महसूल अधिकारी खेमेंद्र सोनवणे यांच्या तक्रारीवरून गुन्हा क्र. 260/2025, कलम 305(ई), महसूल अधिनियम 48(8) व पर्यावरण संरक्षण अधिनियम अंतर्गत गुन्हा नोंदविण्यात आला.
तपास पो.हवा. मनोज इळपाते करीत आहेत.

 

—

5️⃣ पोलीस ठाणे तूमसर — सापदंशाने महिला ठार

दि. 11 ऑक्टोबर 2025 रोजी सकाळी 11:40 वा. साकोली तालुक्यातील मालुटोला येथे हेमलता राजकुमार राहांगडाले (42) या महिलेला शेतात धान कापताना साप चावल्याने मृत्यू झाला.
पीडितेला पडोळे हॉस्पिटल भंडारा येथे दाखल करण्यात आले, परंतु उपचारादरम्यान त्यांचा मृत्यू झाला.
या प्रकरणात मर्ग क्र. 00/2025, कलम 194 भारतीय नागरी सुरक्षा संहिता 2023 अंतर्गत मर्ग नोंद करण्यात आला असून तपास पो.उ.नि. पुडंगे करीत आहेत.

—

6️⃣ पोलीस ठाणे वरठी — रेल्वे अपघातात कामगार ठार

दि. 11 ऑक्टोबर 2025 रोजी दुपारी साडेबारा वाजता मौजा कोथुर्णा गेट परिसरात रेल्वे ट्रॅकवर काम सुरू असताना संदीप इस्लास डहाके (25) या कामगाराचा मृत्यू झाला.
मृतक काम करत असताना अचानक मालगाडी आली आणि त्यास धडक दिल्याने तो जागीच ठार झाला.
या प्रकरणात मर्ग क्र. 16/2025, कलम 194 नागरी सुरक्षा संहिता 2023 अंतर्गत नोंदविण्यात आला असून तपास पो.हवा. धामेश्वर खराडे करीत आहेत.

—

7️⃣ पोलीस ठाणे लाखांदूर — विषप्राशनाने महिलेचा मृत्यू

दि. 5 ऑक्टोबर 2025 रोजी शिला मोरेश्वर साखरकर (48) या महिलेने विषप्राशन केले.
त्यांना ब्रम्हपुरी येथील खिस्तानंद हॉस्पिटलमध्ये दाखल करण्यात आले होते, मात्र उपचारादरम्यान 7 ऑक्टोबर 2025 रोजी रात्री 10 वाजता त्यांचा मृत्यू झाला.
या प्रकरणात प्रारंभी ब्रम्हपुरी पोलीस ठाण्यात झिरो मर्ग नोंदविण्यात आला होता, नंतर लाखांदूर पोलीस ठाण्यात हस्तांतरित करून मर्ग क्र. 36/2025, कलम 194 नागरी सुरक्षा संहिता 2023 अंतर्गत नोंदविण्यात आला आहे.
तपास पो.हवा. संतोष बव्हाण करीत आहेत.

—

(संपादक — पोलिस योद्धा न्यूज नेटवर्क, भंडारा जिल्हा)