🚨 दारू अड्ड्यांवर पोलिसांची धडक कारवाई एकूण 10 लाख 27 हजार 600 रुपयांचा मुद्देमाल जप्त

भंडारा –

जिल्हा पोलीस अधीक्षक श्री. नूरुल हसन यांच्या आदेशानुसार जिल्ह्यातील अवैध दारू व्यवसायावर अंकुश ठेवण्यासाठी पोलिसांनी धडक मोहीम राबवली. या मोहिमेत लाखनी, दिघोरी आणि करडी पोलीस स्टेशन हद्दीत धाड टाकण्यात येऊन एकूण 10 लाख 27 हजार 600 रुपयांचा मुद्देमाल हस्तगत करण्यात आला आहे.

ही कारवाई अपर पोलीस अधीक्षक श्री. निलेश मोरे यांच्या मार्गदर्शनाखाली संबंधित ठाण्यांचे ठाणेदार व पोलीस अंमलदार यांनी केली.

—

लाखनी पोलिसांची कारवाई

गुन्हा क्रमांक 407/2025, कलम 65(ई) मदाका अंतर्गत
आरोपी – अतुल मुरलीधर वासनिक (वय 42, रा. राजेगाव/एम.आय.डी.सी., ता. भंडारा) याच्याकडून
पिवळ्या आणि पोपटी रंगाच्या प्रत्येकी 5 लिटर क्षमतेच्या प्लास्टिक डबक्यांमध्ये एकूण 10 लिटर हाडभू दारू, किंमत ₹1,200, जप्त करण्यात आली.

—

दिघोरी पोलिसांची कारवाई

गुन्हा क्रमांक 116/2025, कलम 65(ई) मदाका अंतर्गत
आरोपी – गौतम रामचंद्र सूखदेंवे (वय 63, रा. चिचाळ, ता. लाखांदूर, जि. भंडारा)
याच्याकडून 90 एम.एल. क्षमतेचे ‘टायगर ब्रँड’ देशी दारूचे 10 पव्वे, एकूण किंमत ₹400, जप्त करण्यात आले.

—

करडी पोलिसांची कारवाई

गुन्हा क्रमांक 237/2025, कलम 65(सी)(ई) मदाका अंतर्गत
आरोपी –

1. दिलीप प्रकाश गायधने (वय 31, रा. कुल्लारी, ता. मोहाडी, जि. भंडारा)

2. रामु (वय अंदाजे 40, रा. चांभारटोली, तिरोडा)

3. प्रफुल परसराम बावने (वय 39, रा. कुशारी, ता. मोहाडी, जि. भंडारा)

 

यांच्याकडून रेनॉल्ट कंपनीची ट्रायबर कार (MH 36/AG 9039), किंमत ₹9,00,000, तसेच 9 प्लास्टिक चुंगळ्यांमध्ये एकूण 630 लिटर मोहा फुलाची हाडभू दारू, किंमत ₹1,26,000, असा एकूण ₹10,26,000/- किंमतीचा मुद्देमाल जप्त करण्यात आला.

—

या तिन्ही ठिकाणच्या एकत्रित कारवाईत एकूण ₹10,27,600/- रुपयांचा मुद्देमाल मिळवण्यात पोलिसांना यश आले.

अवैध दारू धंद्यांवर कठोर कारवाई करण्याच्या दृष्टीने ही मोहीम महत्वाची मानली जात असून, पुढील काळातही अशा धाड मोहिमा सुरू राहणार असल्याचे पोलिस सूत्रांकडून सांगण्यात आले.

—