📰 चंद्रपूर महाऔष्णिक विद्युत केंद्रातील नऊ टॅक्सी ड्रायव्हर्सना अखेर मिळाला न्याय! महाराष्ट्र राज्य विज निर्मिती रोजंदारी मजदूर सेना संघटनेच्या पाठपुराव्यामुळे 19% पगारवाढ मिळवून देण्यात यश

📍 चंद्रपूर |

चंद्रपूर महाऔष्णिक विद्युत निर्मिती केंद्रातील मे. पठाण ब्रदर्स टॅक्सी सर्व्हिसेस या आस्थापनांतर्गत कार्यरत नऊ टॅक्सी, बस व अ‍ॅम्ब्युलन्स ड्रायव्हर्सना अखेर न्याय मिळाला आहे. 1 एप्रिल 2024 पासून लागू झालेली 19% मूळ वेतनवाढ त्यांच्या पगारात समाविष्ट करण्यात आली असून, यासाठीचा एरियर्स रक्कमही देण्यात आली आहे.

ज्या कामगारांना हा लाभ मिळाला त्यांची नावे पुढीलप्रमाणे:

1. विजय सूखदास जगने

2. सचिन रामगूलाल पाटील

3. संदीप पुरुषोत्तम पाटील

4. प्रतीक उद्धव गुरनूले

5. सतीश देवाजी बक्षी

6. रत्नाकर महादेव डाखरे

7. देवेंद्र सुरेश कुमरे

8. विपिन दिवाकर कावडे

9. शामा निवृत्ती वाघमारे

 

हे सर्व कामगार अनेक संघटनांच्या दारात फिरले, परंतु कोणत्याही पातळीवर त्यांना न्याय मिळाला नव्हता. शेवटी त्यांनी महाराष्ट्र राज्य विज निर्मिती रोजंदारी मजदूर सेना, संलग्न न्यू ट्रेड युनियन इनिशिएटिव्ह चंद्रपूरच्या विदर्भ अध्यक्ष भाई सदानंद पुंडलिक देवगडे आणि केंद्रीय प्रभारी भाई सुभाषसिंग बावरे यांच्याशी संपर्क साधत आपली व्यथा मांडली.

कामगारांची लेखी तक्रार मिळताच, भाई देवगडे यांनी सीएसटीपीएसचे मा. मुख्य अभियंता व संबंधित अधिकाऱ्यांकडे संघटनेमार्फत ठोस पद्धतीने तक्रार सादर केली. वेळोवेळी पाठपुरावा, बैठका आणि संघटनात्मक दबावामुळे दि. 10 जुलै 2024 रोजी निर्णय घेण्यात आला आणि सर्व नऊ ड्रायव्हर्सना योग्य पगारवाढ व एरियर्स मिळवून देण्यात संघटनेला यश आले.

या विजयाचा आनंद साजरा करण्यासाठी संबंधित कामगारांनी महाऔष्णिक विद्युत केंद्राच्या मेजर गेटसमोर भाई सदानंद देवगडे व भाई सुभाष बावरे यांचा पुष्पगुच्छ देऊन सत्कार केला. या प्रसंगी उपस्थित मान्यवरांमध्ये –

भाई दीपक बेलगे (जिल्हा उपाध्यक्ष)

भाई दिवाकर डबले (जिल्हा संघटक)

भाई विवेकानंद मेश्राम (शाखा अध्यक्ष)

भाई निखील गुरनूले
व इतर पदाधिकारी व कार्यकर्ते मोठ्या संख्येने सहभागी झाले.

भाई देवगडे यांनी या प्रसंगी सांगितले की, “संघटना ही केवळ नावापुरती नसून, ती कामगारांच्या हक्कासाठी लढणारी ताकद असावी लागते. कामगारांचे न्यायासाठीचे लढे हे आमचे बळ आहेत, आणि आम्ही प्रत्येक थांबलेल्या आवाजाला बुलंद करू.”

—

✍️ पोलिस योद्धा न्यूज नेटवर्क
📌 कामगार हक्क, अन्यायाविरुद्ध लढा आणि जनहितासाठी निस्वार्थ लेखन

—