नागपूर पदवीधर मतदारसंघ निवडणूकित अड अभिजित गोविंदराव वंजारी विजयी विजयासाठी ६० हजार ७४७ मते मिळवणे आवश्यक सतराव्या पसंतीक्रमाच्या मतमोजणीनंतर अभिजित वंजारी 61 हजार 701 मते मिळून विजयी

नागपूर, दि.4 : नागपूर विभाग पदवीधर निवडणुकीमध्ये पाचव्या फेरीअखेर विजयी होण्यासाठी आवश्यक असणारा मतांचा कोटा कोणताही उमेदवार पूर्ण करू शकला नाही. त्यामुळे मतदान प्रक्रियेतील भाग क्रमांक दोनला सुरुवात झाली. दुसऱ्या पसंतीक्रमाच्या मतमोजणीला पहाटे सुरुवात करण्यात आली होती.
पाचव्या फेरीअखेर एकूण १ लाख ३३ हजार ५३ मतांपैकी ११ हजार ५६० अवैध व १ लाख २१ हजार ४९३ मते वैध ठरलीत. यामध्ये पुढील प्रमाणे उमेदवारांना पहिल्या पसंतीचे मते मिळाली आहे.

विभागीय आयुक्त डॉ. संजीव कुमार यांनी जाहीर केलेली पहिल्या पसंतीची उमेदवार निहायमते पुढील प्रमाणे आहेत.
अभिजीत वंजारी ५५ हजार ९४७, संदीप जोशी ४१ हजार ५४०, राजेंद्रकुमार चौधरी २३३, इंजीनियर राहुल वानखेडे ३ हजार ७५२, ॲङ सुनिता पाटील २०७, अतुलकुमार खोब्रागडे ८ हजार ४९९, अमित मेश्राम ५८, प्रशांत डेकाटे १ हजार ५१८, नितीन रोंघे ५२२, नितेश कराळे ६ हजार ८८९, डॉ. प्रकाश रामटेके १८९, बबन तायवाडे ८८, ॲड.मोहम्मद शाकीर अ.गफ्फार ६१, सी.ए. राजेंद्र भुतडा १ हजार ५३७, प्रा.डॉ. विनोद राऊत १७४, ॲड. विरेंद्र कुमार जायस्वाल ६६, शरद जीवतोडे ३७, प्रा.संगीता बढे १२० आणि इंजीनियर संजय नासरे ५६ मते पडली आहेत. प्रत्येक फेरीत २८ हजार मतांची मोजणी होत होती. तथापि, पाचव्या फेरीमध्ये उर्वरित २१ हजार ५३ मतांची मोजणी करण्यात आली. या निवडणुकीत एकूण वैध मते १ लक्ष २१ हजार ४९३ ठरली. ११ हजार ५६० मते अवैध ठरली.
पाचव्या फेरीनंतर एकाही उमेदवाराने मतदानाचा कोटा पूर्ण केला नाही. त्यामुळे पहाटे नंतर दुस-या पसंती क्रमांकाच्या मतमोजणीला सुरुवात झाली .सतराव्या पसंती क्रमाच्या मतमोजणीनंतर अभिजित वंजारी यांना 61 हजार 701 मते मिळाली. तर संदीप दिवाकर जोशी यांना 42 हजार 791, अतुलकुमार खोब्रागडे यांना 12 हजार 66, नितेश कराळे यांना 7 हजार 4 91 इतकी मते मिळालीत. अभिजित गोविंदराव वंजारी यांनी 60 हजार747 मताचा कोटा पूर्ण केल्यामुळे त्यांना विजयी घोषित करण्यात आले. एड अभिजीत गोविंदराव वंजारी यांनी संदीप दिवाकर जोशी यांच्या पेक्षा 18हजार 910 इतक्या मतांनी आघाडी घेऊन विजय संपादन केला.

प्रा शेषराव येलेकर
गडचिरोली जिल्हा प्रतिनिधी