🔴 लाखनीत सेतू केंद्र संचालक रंगेहाथ लाच घेताना जाळ्यात! मूळ कागदपत्रे परत करण्यासाठी ₹11 हजारांची मागणी; लाचलुचपत प्रतिबंधक विभागाची धडक कारवाई

भंडारा / लाखनी | प्रतिनिधी
शासनाच्या योजनांचा लाभ मिळवून देण्याच्या नावाखाली सर्वसामान्य नागरिकांची अडवणूक करणाऱ्या खाजगी सेतू केंद्रांवर अखेर लाचलुचपत प्रतिबंधक विभागाने (ACB) जोरदार कारवाई केली आहे. लाखनी येथील नेहा सेतू केंद्रचा संचालक सतीश तुळशीराम मोटघरे याला तक्रारदाराकडून ₹11,000 लाच स्वीकारताना रंगेहाथ पकडण्यात आले, त्यामुळे जिल्ह्यात एकच खळबळ उडाली आहे.
📌 प्रकरण नेमके काय?
तक्रारदार हे महाराष्ट्र इमारत व इतर बांधकाम कामगार कल्याण मंडळाचे नोंदणीकृत कामगार असून, त्यांच्या मुलांसाठी मिळणाऱ्या शिष्यवृत्तीसाठी सन 2021 मध्ये लाखनी येथील नेहा सेतू केंद्रातून ऑनलाइन अर्ज भरला होता. त्या वेळी सेतू केंद्र संचालक सतीश मोटघरे यांनी दहावीची मार्कलिस्ट, डोमिसाईल, शाळा सोडल्याचा दाखला, नॉन-क्रीमी लेअर, आधार कार्ड व कामगार कार्ड अशी सर्व मूळ कागदपत्रे ताब्यात घेतली.
शिष्यवृत्ती प्रक्रिया पूर्ण झाल्यानंतरही ही मूळ कागदपत्रे परत न करता, वारंवार पाठपुरावा करूनही टाळाटाळ करण्यात आली. अखेर 30 जानेवारी 2026 रोजी तक्रारदार सेतू केंद्रात गेले असता, “कागदपत्रे हवी असतील तर पैसे द्यावे लागतील” असा थेट इशारा देण्यात आला.
💸 ₹12 हजारांची मागणी, ₹11 हजारांवर ‘तडजोड’
तक्रारदाराकडून सहायक कामगार आयुक्त कार्यालयातील अधिकाऱ्यांच्या नावावर आणि स्वतःसाठी मिळून ₹12,000 लाच मागितल्याची तक्रार 3 फेब्रुवारी 2026 रोजी ACB कडे दाखल करण्यात आली. पंचासमक्ष पडताळणीत आरोपीने ₹11,000 घेण्याची तयारी दर्शविल्याचे स्पष्ट झाले.
🚔 सापळा कारवाईत रंगेहाथ अटक
दि. 10 फेब्रुवारी 2026 रोजी लाखनी येथील नेहा सेतू केंद्रात लाचलुचपत प्रतिबंधक विभागाने सापळा रचला. तक्रारदाराकडून ₹11,000 स्वीकारताच सतीश मोटघरे याला रंगेहाथ पकडण्यात आले.
त्याच्याकडून:
💵 ₹11,000 लाचेची रक्कम
📱 वन प्लस नॉर्ड CE 4 मोबाईल जप्त करण्यात आला असून घरझडतीची कारवाई सुरू आहे.
⚖️ भ्रष्टाचार प्रतिबंधक कायद्यान्वये गुन्हा
लाखनी पोलीस ठाण्यात भ्रष्टाचार प्रतिबंध अधिनियम कलम 7 अंतर्गत गुन्हा नोंदविण्याची प्रक्रिया सुरू आहे. गुन्हा दाखल होताच आरोपीला अटक केली जाणार आहे.
👮‍♂️ ACB चे आवाहन
भंडारा जिल्ह्यातील नागरिकांनी कोणत्याही शासकीय कामासाठी लाचेची मागणी झाल्यास तात्काळ संपर्क साधावा, असे आवाहन लाचलुचपत प्रतिबंधक विभागाने केले आहे.
📞 ACB भंडारा: 07184-252661
📲 WhatsApp: 8432261064
☎️ टोल फ्री: 1064
🧩 महत्त्वाचा प्रश्न
सरकारी योजनांचा लाभ मिळवून देण्यासाठी सुरू करण्यात आलेली सेतू केंद्रेच जर लाचखोरीचे अड्डे बनत असतील, तर गरिबांनी न्याय मागायचा तरी कुठे?
ही कारवाई केवळ एका व्यक्तीपुरती मर्यादित न राहता, संपूर्ण यंत्रणेची चौकशी होणार का? असा प्रश्न आता उपस्थित होत आहे.

✍️ गणेश सोनपिंपळे
      विशेष प्रतिनिधी
पोलीस योद्धा न्यूज नेटवर्क