🎬 सिहोरा रोडवर मध्यरात्री धाड: अवैध रेतीवाहतूक करणारा आयसर ट्रॅक्टर जप्त; ₹6.06 लाखांचा मुद्देमाल महसूल–पोलीस पथकाच्या जाळ्यात

सिहोरा (प्रतिनिधी) — भंडारा जिल्ह्यात रेतीमाफियांच्या हालचालींवर कडक नजर ठेवण्यासाठी सुरू असलेल्या संयुक्त गस्तीदरम्यान सिहोरा पोलीस आणि महसूल विभागाने मध्यरात्री मोठी कारवाई करत अवैध रेती वाहतूक करणारा आयसर ट्रॅक्टर जप्त केला. तब्बल ₹6,06,000 किमतीचा मुद्देमाल जप्त झाल्याने परिसरात खळबळ उडाली आहे.

—

🌙 मध्यरात्रीची कारवाई—00.00 ते 00.35 वा.

दि. 26 नोव्हेंबर 2025 रोजी सिलेगाव–सिहोरा रोडवर फिर्यादी अरविंद रमेश रेवतकर (ग्राम गणन अधिकारी – तलाठी) आणि त्यांचे पथक गौण खनिज उत्खनन तपासणीसाठी पेट्रोलिंग करत होते. त्याचवेळी एका संशयास्पद ट्रॅक्टरची हालचाल त्यांच्या नजरेत आली.

पथकाने वाहन थांबवून तपासणी केली असता आरोपी
विजय डोमा बडगे (वय 50, रा. सिलेगाव, ता. तुमसर)
हा आपल्या ताब्यातील ट्रॅक्टरमध्ये अवैधरित्या रेती भरून नेत असल्याचे निष्पन्न झाले.

—

🚜 जप्त केलेला मुद्देमाल

• सिल्व्हर रंगाचा Iसर 368 कंपनीचा ट्रॅक्टर (MH-36)
• निळ्या रंगाची विना क्रमांकाची ट्रॉली
• ट्रॉलीत 1 ब्रास अवैध रेती

किंमत:
ट्रॅक्टर + ट्रॉली = ₹6,00,000
1 ब्रास रेती = ₹6,000
एकूण जप्त मुद्देमाल = ₹6,06,000

—

⚖️ गुन्हा नोंद – गंभीर कलमांतर्गत कारवाई

अवैध वाहतूक, पर्यावरणाचा ऱ्हास आणि सार्वजनिक संपत्तीचे नुकसान लक्षात घेता आरोपीवर खालील कलमांन्वये गुन्हा नोंदविण्यात आला:

• कलम 305(ई) भा.न्या.सं.
• महा. जमीन महसुल अधिनियम कलम 48(7), 48(8)
• पर्यावरण संरक्षण अधिनियम कलम 7, 9
• सार्वजनिक संपत्ती नुकसान अधिनियम कलम 3(1)

ट्रॅक्टर व रेती जप्त करून तहसील कार्यालय, तुमसर येथे डिटेन करण्यात आले आहे.

—

🔍 तपास सुरु…

या प्रकरणाचा तपास पो.हवा. मनोज इलवपाते (पो.स्टे सिहोरा) करीत आहेत.
मो. 9923850989

—

संकलन:- अमर वासनिक, न्यूज एडिटर, पोलिस योद्धा न्यूज नेटवर्क