लक्कडकोट येथे संविधान दिवसानिमित्त समाजप्रबोधन व सत्कार सोहळा; भारतीय संविधान हा सन्मानाने जगण्याचा मसौदा — ॲड. डॉ. सत्यपाल कातकर

राजुरा, ता. २९ नोव्हेंबर २०२५
लक्कडकोट (पेसा) फाउंडेशन व लक्कडकोट कर्मचारी संघ मर्यादित यांच्या संयुक्त विद्यमाने संविधान दिवस, संयुक्त जयंती, समाजप्रबोधन व सत्कार सोहळा उत्साहात पार पडला. कार्यक्रमाचे उद्घाटन प्रसिद्ध मनोवैज्ञानिक, अधिवक्ता व संविधानतज्ञ ॲड. डॉ. सत्यपाल कातकर यांच्या हस्ते झाले.

कार्यक्रमाच्या सुरुवातीस छत्रपती शिवाजी महाराज, डॉ. बाबासाहेब आंबेडकर, मौलाना अबुल कलाम आझाद, पंडित जवाहरलाल नेहरू, भगवान बिरसा मुंडा, महात्मा ज्योतिबा फुले आणि शामदादा कोलाम यांच्या प्रतिमांना पुष्पहार अर्पण करून अभिवादन करण्यात आले.

यशस्वी विद्यार्थ्यांचा गौरव

कार्यक्रमात विविध परीक्षांमध्ये गुणवत्ता मिळवलेल्या विद्यार्थ्यांचा सत्कार करण्यात आला.
यामध्ये —

पोलीस उपनिरीक्षक पदासाठी निवड: लक्ष्मीकांत दुर्गे, अजय मडावी

सातवीत प्रथम: रोहिणी उपरे

दहावीतील गुणवत्ता: सुहाना काशिम शेख

बारावीतील गुणवत्ता: लक्ष्मीप्रसन्न पांडुगवार

या विद्यार्थ्यांना मान्यवरांच्या हस्ते प्रमाणपत्रे व अभिनंदन देण्यात आले.

“संविधान हे कथा किंवा कादंबरी नाही; भारतीयांच्या सन्मानाचा मसौदा आहे”

उद्घाटक डॉ. सत्यपाल कातकर यांनी संविधानाचे महत्त्व स्पष्ट करताना सांगितले की,
“भारतीय संविधान हे साहित्यिक पुस्तक नसून, प्रत्येक भारतीयाला सन्मानाने व कायदेशीर अधिकारांसह जगण्याचा मार्ग दाखवणारा मसौदा आहे. डॉ. बाबासाहेब आंबेडकरांनी अत्यंत परिश्रमपूर्वक, बौद्धिक कौशल्याचा पूर्ण वापर करून हे संविधान निर्माण केले.”

पुढे ते म्हणाले की —
“आज लोकशाहीच्या नावाखाली पैशाच्या बळावर ‘फोडा आणि राज्य करा’ ही रणनीती वापरली जाते. त्यामुळे सामान्य जनतेची तर्कक्षमता कमी होत आहे. अनुसूचित जाती-जमाती, ओबीसी आणि अल्पसंख्यांक समाज विभाजित राहावेत यासाठी काही राजकीय घटक हेतुपुरस्सर कारवाया करतात.”

तसेच त्यांनी स्वघोषित “टायटलधारक” व्यक्तींवरही टीका केली आणि संविधानतज्ञ निर्माण करण्यात आपण कमी पडलो असल्याची खंत व्यक्त केली.

समाजएकोप्यासाठी उपक्रमांची गरज — अध्यक्षीय भाषण

कार्यक्रमाचे अध्यक्ष ॲड. डॉ. मधुकर कोटनाके यांनी आपल्या भाषणात म्हटले —
“गावात सर्व समाजांनी एकोप्याने राहावे, ह्यासाठी रमेश आडे सरांनी केलेले नावीन्यपूर्ण उपक्रम इतर गावांसाठी आदर्श आहेत. असा उपक्रम अधिकाधिक गावांमध्ये राबवला पाहिजे.”

कार्यक्रमास उपस्थित मान्यवर

प्रमुख अतिथी म्हणून उपस्थित होते —

देविदास कातकर, पोलीस पाटील

श्रीमती सजनाबाई आत्राम, सरपंच

भानुताई मुन, ग्रामपंचायत सदस्य

दिनकर आडे, पोलीस पाटील

विजय कांबळे

नूर पटेल

तुकाराम किन्नाके

रामचंद्र कातकर

मनोज मुन

पर्वत आत्राम

बफेश पटेल

यशस्वी संयोजन

कार्यक्रमाचे सूत्रसंचालन शिक्षक प्रभाकर मडावी यांनी केले, तर आभार प्रदर्शन श्रीमती सीमा कोरवते यांनी केले.
संपूर्ण कार्यक्रम यशस्वी करण्यासाठी रमेश आडे, माध्यमिक शिक्षक, तसेच लक्कडकोट येथील सुज्ञ नागरिकांनी मोठे योगदान दिले.

—

संकलन:- श्री राजकुमार खोब्रागडे, मुख्य संपादक तथा डायरेक्टर