महाशिवरात्री यात्रेदरम्यान राष्ट्रीय सेवा योजना स्वयंसेवकांची पाणपोई सेवा

महात्मा ज्योतिबा फुले महाविद्यालय आष्टी येथील राष्ट्रीय सेवा योजना (एनएसएस) विभागाने चपराळा येथील महाशिवरात्री यात्रेदरम्यान २५ ते २७ फेब्रुवारी २०२५ दरम्यान स्वयंसेवकांच्या माध्यमातून अत्यंत महत्त्वाची सेवा दिली. एनएसएस स्वयंसेवकांनी पाणपोई च्या माध्यमातून भक्तांना पाणी पुरवठा केला, स्वच्छता राखण्यासाठी परिश्रम घेतले व देवस्थानामध्ये विविध प्रकारे सेवा दिली.

प्राचार्य डॉ. संजय फुलझेले यांच्या मार्गदर्शनात आणि एनएसएस कार्यक्रम अधिकारी प्रा. रवी गजभिये यांच्या नेतृत्वात हा उपक्रम यशस्वीरीत्या पार पडला. स्वयंसेवकांमध्ये करिष्मा, निगम, समीक्ष, रोहित, कोमल, स्नेहा, करीना, रोजनी आणि इतरांनी पाणपोई आणि स्वच्छतेसाठी विशेष योगदान दिले.

चपराळा येथील प्रशांत धामचे अध्यक्ष श्री संजूभाऊ पंदीलवार आणि ट्रस्टी श्री दीपकजी माडुरवार यांनी या सेवेकरीतेला प्रोत्साहन देत सर्व स्वयंसेवकांचे कौतुक केले. त्यांच्या या सेवेच्या कार्यामुळे भावी भक्तांना मोठा दिलासा मिळाला, तसेच देवस्थानाच्या परिसरातील स्वच्छता आणि सुव्यवस्था यामध्ये देखील सुधारणा झाली.
या उपक्रमाचे यशस्वीतेसाठी सर्व प्राध्यापक, कर्मचारी आणि रा से यो स्वयंसेवकांचे तसेच प्रशांत धाम चपराळा येथील सेवकांचे मोलाचे सहकार्य लाभले.

ही सेवा देवस्थान आणि भक्तांच्या हक्कासाठी मोलाची ठरली असून, भविष्यकाळात अशा अधिक सामाजिक उपक्रमांचे आयोजन केले जाण्याची अपेक्षा व्यक्त केली आहे.