🟢 पाचवी व आठवी शिष्यवृत्ती परीक्षांचे प्रवेशपत्र उपलब्ध २२ फेब्रुवारी रोजी राज्यभर एकाच दिवशी परीक्षा

मुंबई | दि. १३ :
पूर्व उच्च प्राथमिक शिष्यवृत्ती परीक्षा (इयत्ता पाचवी) आणि पूर्व माध्यमिक शिष्यवृत्ती परीक्षा (इयत्ता आठवी) रविवार, २२ फेब्रुवारी २०२६ रोजी राज्यातील सर्व जिल्ह्यांमध्ये एकाच दिवशी आयोजित करण्यात येणार आहे.
या दोन्ही शिष्यवृत्ती परीक्षांची प्रवेशपत्रे मंगळवार, दिनांक १३ जानेवारी २०२६ रोजी संबंधित शाळांच्या लॉगिनमध्ये उपलब्ध करून देण्यात आली आहेत, अशी माहिती महाराष्ट्र राज्य परीक्षा परिषदेच्या आयुक्त अनुराधा ओक यांनी दिली आहे.
📌 मुख्याध्यापकांना सूचना
संबंधित शाळांच्या मुख्याध्यापकांनी प्रवेशपत्रांची तात्काळ प्रिंट काढून ती सर्व परीक्षार्थ्यांना वितरित करावीत, असे निर्देश देण्यात आले आहेत.
👨‍👩‍👧 पालक व विद्यार्थ्यांना आवाहन
सर्व परीक्षार्थी विद्यार्थी व त्यांच्या पालकांनी मुख्याध्यापकांकडून प्रवेशपत्र प्राप्त करून घ्यावे तसेच प्रवेशपत्रावरील माहिती अचूक आहे की नाही, याची खात्री करून घ्यावी, असेही आवाहन करण्यात आले आहे.
शिष्यवृत्ती परीक्षा विद्यार्थ्यांसाठी महत्त्वाची असल्याने प्रवेशपत्र वेळेत मिळवून परीक्षा तयारीकडे लक्ष द्यावे, असेही परीक्षा परिषदेच्या वतीने स्पष्ट करण्यात आले आहे.

संकलन:- श्री राजकुमार खोब्रागडे, मुख्य संपादक तथा डायरेक्टर