🚨 मोहाडी तालुक्यात रेती चोरीवर पोलिसांची धडक कारवाई ₹7.06 लाखांचा मुद्देमाल जप्त; ट्रॅक्टर-ट्रॉलीसह आरोपी ताब्यात

मोहाडी | प्रतिनिधी :
मोहाडी तालुक्यात अवैध रेती वाहतुकीवर आळा घालण्यासाठी पोलिसांनी कडक पावले उचलली असून, पोलीस स्टेशन मोहाडी हद्दीत करण्यात आलेल्या कारवाईत रेती चोरी प्रकरणी एक आरोपी पकडण्यात आला आहे. या कारवाईत तब्बल ₹7,06,200 रुपयांचा मुद्देमाल जप्त करण्यात आला आहे.
प्राप्त माहितीनुसार, फिर्यादी पोउपनि चौधरी (पो.स्टे. मोहाडी) हे दिनांक 24 जानेवारी 2026 रोजी दुपारी 12.10 ते 12.50 वाजताच्या सुमारास ग्राम मौजा मांडेसर बिट परिसरात पोलीस स्टॉपसह पेट्रोलिंग करीत असताना संशयास्पद वाहन आढळून आले.
तपासणीदरम्यान आरोपी राजेश दिनेश मारबते (वय 24 वर्षे, रा. मोहगाव देवी, ता. मोहाडी, जि. भंडारा) हा आपल्या ताब्यातील
🔹 स्वराज कंपनीचा 735 मॉडेल निळ्या रंगाचा ट्रॅक्टर (क्र. DBH-36/T-4279)
🔹 निळ्या रंगाची विना क्रमांकाची ट्रॉली
यामधून बिनापरवाना एक ब्रास रेतीची वाहतूक करत असल्याचे आढळून आले.
🔍 जप्त करण्यात आलेला मुद्देमाल :
ट्रॅक्टर – ₹6,00,000
रेती भरलेली ट्रॉली – ₹1,00,000
एक ब्रास रेती – ₹6,000
लोखंडी फावडा – ₹50
गुलाबी रंगाचा प्लास्टिक घमेला – ₹150
➡️ एकूण मुद्देमाल : ₹7,06,200
सदर बाबत फिर्यादीच्या लेखी तक्रारीवरून पोलीस स्टेशन मोहाडी येथे गुन्हा क्रमांक 16/2026 नोंद करण्यात आला असून, आरोपीविरुद्ध
कलम 303(2) भारतीय न्याय संहिता,
कलम 48(8) महाराष्ट्र जमीन महसूल संहिता,
कलम 7 व 9 पर्यावरण संरक्षण अधिनियम तसेच कलम 50(177) मोवाका अन्वये गुन्हा दाखल करण्यात आला आहे.
या प्रकरणाचा पुढील तपास सफौ खोकले हे करीत आहेत.
🔴 अवैध रेती उत्खनन व वाहतुकीविरोधात पोलिसांची कारवाई पुढेही सुरू राहणार असल्याचा इशारा प्रशासनाकडून देण्यात आला आहे.