🚨 अवैध रेती वाहतुकीवर लाखनी पोलिसांचा करारा प्रहार 🚜 विनापरवाना ट्रॅक्टर-ट्रॉलीसह रेती जप्त; सुमारे 9.66 लाखांचा मुद्देमाल हस्तगत

लाखनी | प्रतिनिधी
शासनाचा महसूल बुडवून पर्यावरणाचा ऱ्हास करणाऱ्या रेतीचोरांविरोधात लाखनी पोलिसांनी मोठी कारवाई करत अवैध रेती वाहतुकीचा पर्दाफाश केला आहे. मेंढा (पोहरा) परिसरात विनापरवाना रेती वाहतूक करताना ट्रॅक्टर-ट्रॉलीसह आरोपींना रंगेहात पकडण्यात आले असून सुमारे 9 लाख 66 हजार रुपयांचा मुद्देमाल जप्त करण्यात आला आहे.
दिनांक 19 जानेवारी 2026 रोजी सकाळी 9 वाजताच्या सुमारास, लाखनी पोलीस ठाण्याच्या हद्दीतील मेंढा (पोहरा) – 10 किमी दक्षिण भागात ही कारवाई करण्यात आली. पोलिसांना मिळालेल्या गोपनीय माहितीच्या आधारे छापा टाकण्यात आला असता, हिरव्या रंगाचा विनानंबर ट्रॅक्टर व निळ्या रंगाची विनानंबर ट्रॉली यामधून अंदाजे एक ब्रास रेती अवैधरित्या वाहून नेली जात असल्याचे आढळून आले.
या प्रकरणी
🔹 चालक: निकेश दयाराम आबेडारे (वय 25, रा. मेंढा भुगाव, ता. लाखनी)
🔹 मालक: प्रशांत बाळकृष्ण नागलवाडे (वय अंदाजे 35, रा. न्याहारवाणी, ता. लाखनी)
यांनी शासनाची कोणतीही परवानगी न घेता रेती उत्खनन व वाहतूक केल्याचे निष्पन्न झाले.

कारवाईदरम्यान जप्त मुद्देमाल👇
🚜 ट्रॅक्टर – अंदाजे किंमत ₹8,00,000
🛞 ट्रॉली – अंदाजे किंमत ₹1,50,000
🏗️ रेती (1 ब्रास) – ₹6,000
➡️ एकूण मुद्देमाल: ₹9,66,000
या प्रकरणी पोलीस ठाणे लाखनी येथे गुन्हा क्रमांक 18/2026 अंतर्गत भारतीय न्याय संहिता 2023, महाराष्ट्र जमीन महसूल अधिनियम 1966 तसेच पर्यावरण संरक्षण कायदा 1986 अंतर्गत गुन्हा दाखल करण्यात आला आहे.
या गंभीर गुन्ह्याचा पुढील तपास मपोहेवा खोमावती ढोके (ब.नं. 1005) करत असून, प्रशासनाकडून अवैध रेती वाहतुकीविरोधात पुढेही कठोर कारवाई सुरू राहणार असल्याचा इशारा देण्यात आला आहे.

👉 अवैध रेती व्यवसायावर अंकुश आणण्यासाठी प्रशासन सज्ज असून, पर्यावरण व शासकीय महसूलाच्या रक्षणासाठी अशा कारवाया अधिक तीव्र केल्या जातील, असे पोलिस सूत्रांनी स्पष्ट केले आहे.

संकलन:- अमर वासनिक, न्यूज एडिटर, पोलिस योद्धा न्यूज नेटवर्क