🔴 दिघोरी पोलिसांची धडक कारवाई जंगल परिसरातील अवैध जुगार अड्ड्यावर छापा; 5 आरोपी अटकेत ₹1,77,250 रुपयांचा मुद्देमाल जप्त

लाखांदूर | प्रतिनिधी :
तालुक्यातील दिघोरी पोलीस स्टेशनच्या हद्दीत येणाऱ्या दहेगाव/माईन्स परिसरातील जंगलात कॅनलजवळ सुरू असलेल्या अवैध जुगार अड्ड्यावर दिघोरी पोलिसांनी धाड टाकत मोठी कारवाई केली आहे. या कारवाईत ५ जुगार खेळणाऱ्या आरोपींना ताब्यात घेत ₹1,77,250 रुपयांचा मुद्देमाल जप्त करण्यात आला आहे.
दिघोरी पोलीस स्टेशनचे सहाय्यक पोलीस निरीक्षक श्री. प्रमोद शिंदे यांना जंगल परिसरात काही इसम जुगार खेळत असल्याची गुप्त माहिती मिळाल्यानंतर त्यांनी तात्काळ पोलीस पथकासह घटनास्थळी धाड टाकली. छाप्यादरम्यान आरोपी जुगार खेळत असताना रंगेहाथ पकडले गेले.
👤 अटक करण्यात आलेले आरोपी :
मावेश रामकृष्ण बोरकर (वय 48) रा. लाखांदूर, जि. भंडारा
आकाश नरेंद्र टेंभुर्णे (वय 25) रा. वार्ड क्र. 14, लाखांदूर
गोविंदसिंग हरनामसिंग रामगडे (वय 58) रा. झिरोबा, ता. लाखांदूर
बलरामसिंग करतांगसिंग बावरी (वय 42) रा. झिरोबा, ता. लाखांदूर
कमलेश अंबालाल बन्सोड (वय 38) रा. सावंगी, ता. देसाईगंज, जि. गडचिरोली
💰 जप्त मुद्देमाल :
रोख रक्कम व जुगार साहित्य
एकूण किंमत : ₹1,77,250
सदर प्रकरणात फिर्यादी पोलीस शिपाई आचले व पोलीस हवालदार मातेरे यांनी आरोपींना ताब्यात घेऊन
महाराष्ट्र जुगार प्रतिबंधक कायदा अंतर्गत अपराध क्रमांक 05/2026, कलम 12 नुसार दिनांक 12/01/2026 रोजी गुन्हा दाखल केला आहे.
ही कारवाई केल्यानंतर दिघोरी पोलीस स्टेशनच्या कार्यक्षमतेबाबत परिसरात मोठ्या प्रमाणात कौतुक होत आहे.
सदर प्रकरणाचा पुढील तपास दिघोरी पोलीस करीत आहेत.