🔴 तुमसर शहरातील जीवघेणे गड्डे दुर्लक्षित; मोक्षधाम समाजभवनाला प्राधान्य का? जिवंत माणसांच्या सुरक्षिततेपेक्षा मृतांसाठी सुविधा महत्त्वाच्या का? तुमसर शहरची “गंगा” कधी शुद्ध होणार? – पत्रकार सुखदेव काटकर यांचा सवाल

तुमसर | प्रतिनिधी :
तुमसर शहरातील रस्त्यांवरील जीवघेणे गड्डे, कचऱ्याचे ढिगारे, दुर्गंधीयुक्त नाले व अस्वच्छ परिसर यामुळे सामान्य नागरिकांचे जीवन धोक्यात आले असताना, प्रशासन व लोकप्रतिनिधींचे लक्ष मात्र मोक्षधामातील समाजभवनाच्या भूमिपूजनाकडे वळले असल्याने शहरात तीव्र संताप व्यक्त केला जात आहे.
दिनांक 11 जानेवारी 2026 रोजी तुमसर-मोहाडी विधानसभा क्षेत्राचे आमदार राजूजी कारेमोरे, तुमसर नगरपरिषदेचे नवनिर्वाचित नगराध्यक्ष सागरजी गभने, मोक्षधाम सेवा समितीचे पदाधिकारी, सार्वजनिक बांधकाम विभाग व नगरपरिषद अधिकाऱ्यांच्या उपस्थितीत मोक्षधाम समाजभवनाच्या बांधकामाचे भूमिपूजन पार पडले. लोकांच्या भावनांचा आदर ठेवून शोकसभा व अंत्यविधींसाठी सुविधा उपलब्ध करून देण्याचा हा निर्णय कौतुकास्पद असला, तरी शहरातील मूलभूत प्रश्नांकडे होत असलेले दुर्लक्ष गंभीर असल्याचे मत पत्रकार सुखदेव काटकर यांनी व्यक्त केले आहे.
❗ प्रश्न जिवंत आहेत, पण उत्तर कोण देणार?
तुमसर शहरातील रस्त्यांवर ठिकठिकाणी पडलेले अपघातास आमंत्रण देणारे गड्डे, मोक्षधाम व शहर परिसरातील कचऱ्याचे साम्राज्य, अस्वच्छ नाले व प्रदूषणामुळे
“तुमसर शहर की गंगा मैली हो गई है”
अशी अवस्था निर्माण झाली आहे.
पत्रकार डॉ. सुखदेव काटकर (क्राइम बुलेट न्यूज, नवी दिल्ली) यांनी थेट सवाल उपस्थित करत म्हटले आहे की,
“जिवंत माणसांच्या अपघातांची भीती सोडून मृतांसाठी आधी सुविधा का?
आधी जीव वाचवायचा की नंतर मुर्द्याची व्यवस्था करायची?”
⚠️ उपरोधिक पण बोचरा प्रश्न
“जर जीवघेण्या गड्ड्यात कोणी जिवंत माणूस पडून मृत्यू पावला,
तर त्याच शासकीय योजनेतून मिळालेल्या पैशातून
त्याच्या मृतदेहावर हार घालून मोक्षधाम समाजभवनात ठेवणार का?”
हा प्रश्न केवळ उपरोध नाही, तर शहरातील प्रशासनिक प्राधान्यक्रमावर थेट बोट ठेवणारा गंभीर इशारा आहे.
📢 मागणी स्पष्ट – आधी शहर सुरक्षित करा
पत्रकार काटकर यांनी आमदार राजूजी कारेमोरे, नगराध्यक्ष सागरजी गभने व संबंधित अधिकाऱ्यांना आवाहन केले आहे की—
आधी तुमसर शहरातील जीवघेणे गड्डे बुजवावेत
कचरा व नाल्यांची तातडीने साफसफाई करावी
नागरिकांच्या दैनंदिन सुरक्षिततेला प्राधान्य द्यावे
त्यानंतरच इतर विकासकामांचा विचार करावा
शहरातील नागरिकांच्या मते, विकास केवळ इमारती उभारण्यात नसून, माणसांचे प्राण सुरक्षित ठेवण्यात आहे.
तुमसर शहराची “गंगा” कधी शुद्ध होणार, हा प्रश्न अजूनही अनुत्तरितच आहे.