📰 CSTPS वसाहतीत सुरक्षेचा प्रश्न गंभीर — घरफोड्या वाढल्या, MSF सुरक्षेच्या कार्यक्षमतेवर रहिवाशांची नाराजी

ऊर्जानगर वार्ता:- CSTPS वसाहतीत गेल्या काही दिवसांपासून चोरीच्या घटना वाढत असून रहिवाशांमध्ये भीतीचे वातावरण निर्माण झाले आहे. 15/3 आणि 16/1 या दोन क्वार्टर्समध्ये चोरी झाल्याची माहिती रहिवाशांनी ग्रुपमध्ये दिली. काही दिवसांपूर्वी D-9/1 आणि D-9/2 या दोन घरांच्या दारावर अनोळखी व्यक्तींनी मध्यरात्री साडेतीनच्या सुमारास टकटक केल्याची घटना समोर आली होती.

रहिवाशांनी आवाज दिल्यानंतरही संशयित पळून गेले. तात्काळ सुरक्षा कंट्रोल रूमला कॉल करून मदत मागवण्यात आली. काही मिनिटांत सुरक्षा कर्मचारी पोहोचले; मात्र सकाळी पुन्हा चोरी झाल्याची माहिती मिळाल्यानंतर सुरक्षा व्यवस्थेबाबत अनेक प्रश्न निर्माण झाले आहेत.

श्वान पथकाने सुद्धा चोर हे त्याच मार्गाने आले असल्याचे हे दाखवले आहे.

🔸 MSF सुरक्षा व्यवस्थेवर थेट नाराजी

काही रहिवाशांनी स्पष्टपणे नमूद केले की MSF कर्मचाऱ्यांची कामगिरी समाधानकारक नसून वसाहतीत गैरहजेरीची प्रकरणे वाढली आहेत.
रहिवाशांच्या मते —

बाहेरील व्यक्ती वसाहतीत सहज प्रवेश करत आहेत

काही गेट्सवर योग्य तपासणी नसल्याचेही सांगण्यात आले

जवळपास 50 बाहेरील व्यक्ती वसाहतीत राहत असल्याचे दावे

गेल्या 8 महिन्यांत दोन दुचाकी चोरीच्या घटना घडल्या असून अद्याप तपासात प्रगती नाही

🔸 “कृती समितीकडून तात्काळ पत्र दिले जावे” — रहिवाशांची मागणी

काही सदस्यांनी एकत्र येऊन हे प्रकरण अधिकाऱ्यांपर्यंत पोहोचवण्यासाठी कृती समितीकडून अधिकृत पत्र देण्याची मागणी केली आहे.
तसेच MSF कर्मचाऱ्यांचे अनधिकृत ठिकाणी फिरणे, गाठी–टोळ्या आणि दादागिरीसारख्या तक्रारीही व्यक्त करण्यात आल्या आहेत.

🔸 “CCTV तपासणी आवश्यक” — समिती सदस्य

समितीतील एका सदस्याने सर्व entry–exit पॉइंटवर असलेले CCTV व्यवस्थित चालू आहेत की नाही याची खात्री करण्याची मागणी केली आहे.

🔸 रहिवाशांना सूचना

रहिवाशांनी ग्रुपवर “सतर्क राहा, सावध राहा” असा संदेश दिला असून रात्री दरवाजे व्यवस्थित लॉक ठेवण्याचे आवाहन करण्यात आले आहे.

श्री. राजकुमार खोब्रागडे

मुख्य संपादक तथा डायरेक्टर