📰 भाजपा सरकारच्या काळात कामगार अधिक असुरक्षित – खासदार अरविंद सावंत डोमा–परिसंघ कामगार मेळाव्यात केंद्र सरकारवर टीका

मुंबई ● कामगार विरोधी कायदे करून कामगार व कामगार संघटनांना संपवण्याचा डाव भाजप सरकारने रचला असून, कामगार आज अधिक असुरक्षित स्थितीत आहेत, अशी टीका शिवसेना (उद्धव ठाकरे ग ट) चे खासदार अरविंद सावंत यांनी केली. परळ येथील डॉ. शिरोडकर सभागृहात आयोजित डोमा–परिसंघ कामगार मेळाव्यात ते बोलत होते.

सावंत म्हणाले, “कामगारांच्या सुरक्षेचे आणि हक्कांचे जे कायदे बनले, ते अनेक दशकांच्या संघटीत लढ्याने मिळवले गेले आहेत. पण आजच्या सरकारच्या धोरणांमुळे कामगारांची शक्ती कमी करण्याचा प्रयत्न सुरू असून हे अत्यंत धोकादायक आहे.”

—

🔶 मोठ्या संघटनेत एकत्र या – डॉ. उदीत राज

डोमा–परिसंघाचे राष्ट्रीय अध्यक्ष आणि माजी खासदार डॉ. उदीत राज यांनी मार्गदर्शन करताना सांगितले की, “कामगार एकत्र न आल्यास अन्याय थांबणार नाही. छोट्या–छोट्या संघटना काढून लढाई अधिक तुकडे-तुकडे होते. समविचारी मोठ्या संघटनेत सामील होऊनच हक्कांसाठी प्रभावी आवाज उठवता येतो.”

—

🔶 इतर पदाधिकार्‍यांचे मार्गदर्शन

मेळाव्यात डोमा–परिसंघाचे राष्ट्रीय सचिव डॉ. संजय कांबळे-बापेरकर,
महाराष्ट्र प्रदेश अध्यक्ष प्रितम आठवले,
मुंबई अध्यक्ष तसेच अखिल भारतीय श्रमिक एकता युनियनचे अध्यक्ष मोहन पी. आर. देवेंद्र
यांनीही कामगारांच्या प्रश्नांवर सविस्तर मार्गदर्शन केले.

—

🔶 मान्यवरांची उपस्थिती

मेळाव्यात
राजु बाजवा, सिद्धार्थ सकपाळ, प्रसन्ना कुमार, जाफर सिद्धिकी,
नाना कदम, सुनिल झोडे, ॲड. इंदरपाल सिंग,
महेश देवेंद्र, रवी के.,
पुष्पराज एस., जॉन मोझेस ईगुरी,
ज्ञानदेव कोरी
यांची प्रमुख उपस्थिती होती.

—

संकलन:- श्री. राजकुमार खोब्रागडे, मुख्य संपादक तथा डायरेक्टर, पोलिस योद्धा न्यूज नेटवर्क