📰 दारू व जुगार अड्ड्यांवर पोलिसांची धाड – ₹54,835 किंमतीचा मुद्देमाल जप्त भंडारा जिल्हा पोलिसांची कारवाई – अवैध धंद्यांवर कडक कारवाई सुरू

भंडारा (प्रतिनिधी) : जिल्हा पोलिस अधीक्षक श्री. नूरुल हसन यांच्या मार्गदर्शनाखाली भंडारा जिल्ह्यातील विविध पोलीस ठाण्यांनी दारू व जुगार अड्ड्यांवर एकाच दिवशी कारवाई करत एकूण ₹54,835 किंमतीचा मुद्देमाल जप्त केला आहे. अवैध धंदे समुळ नष्ट करण्याच्या उद्देशाने ही संयुक्त मोहीम राबविण्यात आली.

१) पोलीस स्टेशन भंडारा
जुगार अड्ड्यावर छापा टाकून आरोपी राजू भागोजी रंभाड (वय 43, रा. राममंदिर वार्ड, भंडारा) याच्याकडून ₹535 किंमतीचा माल जप्त करण्यात आला. यात सट्टापट्टी, निळा पेन आणि रोख रक्कम समाविष्ट आहे.

२) पोलीस स्टेशन गोबरवाही
येथील कारवाईत आरोपी राहुल गणेश गौपाले, सुनिल मोहन गौपाले, देवा महेश गौपाले आणि महेश पुष्पतोडे यांच्याकडून सट्टा खेळताना ₹1,650 किंमतीचा मुद्देमाल हस्तगत करण्यात आला.

३) पोलीस स्टेशन साकोली
आरोपी प्रेमकुमार पोपटु लांजेवार याच्याकडून ₹845 किंमतीचा सट्टापट्टी व रोख रक्कम मिळाली. तसेच दुसऱ्या कारवाईत दिगंबर प्रभु ऊके (रा. एकोड़ी) याच्याकडून 400 किलो सडवा मोहा पास व इतर साहित्य मिळून ₹47,300 किंमतीचा माल जप्त करण्यात आला.

तसेच दत्तु दुर्योधन कल्लीकार (रा. सानगडी) याच्याकडून ६ लिटर मोहफुलाची हँडमेड दारू ₹600 किंमतीसह जप्त करण्यात आली.

४) पोलीस स्टेशन दिघोरी
येथील आरोपी रौनक मदन उके (रा. लाखांदूर) याच्याकडून ₹1,395 किंमतीचा सट्टा साहित्य आणि रोख रक्कम जप्त करण्यात आली.

५) पोलीस स्टेशन पवनी
पवनी पोलिसांनी दोन वेगवेगळ्या कारवायांमध्ये 63 वर्षीय महिला व विनोद दिगंबर सव्वाईमुल (रा. टेकाडी) यांच्याकडून देशी दारूच्या बाटल्या मिळून एकूण ₹1,760 किंमतीचा माल जप्त केला.

या सर्व कारवायांमध्ये दारू अड्ड्यांवरून ₹50,410 आणि जुगार अड्ड्यांवरून ₹4,425 असा एकूण ₹54,835 किंमतीचा माल जप्त करण्यात आला आहे.

ही संपूर्ण कारवाई मा. पोलीस अधीक्षक श्री. नूरुल हसन यांच्या मार्गदर्शनाखाली, स्थानिक ठाणेदार व पोलिस अंमलदारांच्या सहकार्याने करण्यात आली.

भंडारा जिल्हा पोलिसांकडून अवैध दारू व जुगार व्यवसायाविरुद्ध चालवण्यात येणारी ही मोहिम पुढील काळातही अधिक जोमाने राबविण्यात येणार असल्याचे पोलिस सूत्रांनी सांगितले.

✍️ संकलन:- अमर वासनिक, न्यूज एडिटर
– पोलिस योद्धा न्यूज नेटवर्क