🎬 सिहोरा येथे रेती माफियांचा पर्दाफाश! पहाटेच्या गस्तीत ट्रॅक्टर-ट्रॉलीसह ६ लाखांचा मुद्देमाल जप्त; अवैध रेती वाहतुकीवर पोलिसांची धडक कारवाई

सिहोरा | प्रतिनिधी
पर्यावरणाचा ऱ्हास करणाऱ्या रेती माफियांवर सिहोरा पोलिसांनी पहाटेच करडी नजर ठेवत मोठी कारवाई केली आहे. अवैध रेती वाहतुकीच्या एका प्रकरणात ट्रॅक्टर-ट्रॉलीसह एकूण ६ लाख ६ हजार रुपयांचा मुद्देमाल जप्त करण्यात आला असून, चालक-मालकाविरुद्ध गंभीर कलमान्वये गुन्हा दाखल करण्यात आला आहे.
दि. २२ डिसेंबर २०२५ रोजी पहाटे ६.४५ ते ७.३० दरम्यान पोलीस स्टेशन सिहोरा येथील पो.शि. अतुल ललित बावनकर (ब.नं. ५४८) हे स्टाफसह पेट्रोलिंग करत असताना झारली (ता. तुमसर, जि. भंडारा) येथील गणेश बुधाजी बिसने (वय ५०) हा आपल्या ताब्यातील हिरव्या रंगाचा जॉन डिअर कंपनीचा ट्रॅक्टर (क्र. डभ्-३६-ळ-०३०७) व निळ्या रंगाची विनाक्रमांक ट्रॉली वापरून विनापरवाना १ ब्रास रेती वाहतूक करताना आढळून आला.
पर्यावरणाचा ऱ्हास होत असल्याचे लक्षात येताच पोलिसांनी तात्काळ कारवाई करत ट्रॅक्टर-ट्रॉली (किंमत अंदाजे ६,००,००० रु.) आणि १ ब्रास रेती (किंमत ६,००० रु.) असा एकूण ६,०६,००० रुपयांचा मुद्देमाल जप्त केला.
या प्रकरणी पोलीस स्टेशन सिहोरा येथे अपराध क्र. ३१०/२०२५ अन्वये
भा.न्या.सं. कलम ३०५(ई), ४९,
महाराष्ट्र जमीन महसूल अधिनियम कलम ४८(८),
पर्यावरण संरक्षण अधिनियम कलम ७, ९,
सार्वजनिक संपत्ती नुकसान प्रतिबंधक अधिनियम कलम ३(१)
अंतर्गत गुन्हा नोंद करण्यात आला आहे.
या प्रकरणाचा पुढील तपास पो. हवा. मनोज ईळपाते करीत असून, अवैध रेती व्यवसायावर कठोर कारवाईचा इशारा पोलिसांनी दिला आहे.
👉 सिहोरा परिसरात अवैध रेती वाहतुकीविरोधात पोलिसांची मोहीम अधिक तीव्र होणार असल्याचे संकेत असून, रेती माफियांचे धाबे दणाणले आहेत.