🎬 वाढदिवस नव्हे… समाजसेवेचा महोत्सव! 🎉 किल्ले आंबागडावर सुनिल भोयर यांची ‘सेवेची मोहीम’ – आरोग्य, रक्तदान, स्वच्छता, गडसंवर्धनाचा संगम

आंबागड | प्रतिनिधी
साधा वाढदिवस साजरा न करता तो समाजोपयोगी चळवळीत रूपांतरित करता येतो, हे दाखवून देणारी एक प्रेरणादायी घटना रविवारी किल्ले आंबागडावर अनुभवायला मिळाली. शिवाजीराव ग्रामीण बहुउद्देशीय संस्था, एकलारीचे अध्यक्ष सुनिल भोयर यांनी आपल्या वाढदिवसानिमित्त स्वखर्चाने भव्य सामाजिक मोहीम राबवत आंबागडावर समाजसेवेचा जणू उत्सव साजरा केला.
दि. २१ डिसेंबर, रविवार रोजी आयोजित या विशेष मोहिमेत आरोग्य शिबिर, रक्तदान शिबिर, नेत्र तपासणी, स्वच्छता अभियान, गडसंवर्धन, गडपूजन तसेच विद्यार्थ्यांसाठी ऐतिहासिक माहिती सत्र अशा अनेक उपक्रमांचे आयोजन करण्यात आले होते. मोहिमेची सुरुवात स्वतः सुनिल भोयर यांनी रक्तदान करून केली, ही बाब उपस्थितांसाठी प्रेरणादायी ठरली.
🎗️ आरोग्य, शिक्षण आणि इतिहासाचा संगम
या मोहिमेत विद्यार्थ्यांसह महिला भगिनी, ग्रामस्थ व मित्रपरिवार मोठ्या संख्येने सहभागी झाले होते. सर्व उपस्थितांसाठी भोजनाची व्यवस्था करण्यात आली, तसेच विद्यार्थ्यांना बक्षीस वितरण करून त्यांचा उत्साह वाढवण्यात आला.
👩‍⚕️👨‍⚕️ मान्यवरांची उपस्थिती लाभली
या कार्यक्रमाला सौ. अनिता नलगोपुलवार (सभापती, महिला व बालकल्याण, जि.प. भंडारा), गोपीचंद बावनकर (सरपंच, आंबागड), स्नेहल पडोळे (मुख्याध्यापिका, एकलारी), कीर्ती पिकलमुंडे (सरपंचा, खापा) यांच्यासह अनेक मान्यवर, सामाजिक कार्यकर्ते, शिक्षक, महिला प्रतिनिधी व युवक मोठ्या संख्येने उपस्थित होते.
🧹 स्वच्छता आणि गडसंवर्धनाचा संदेश
किल्ल्याच्या परिसरात स्वच्छता मोहीम राबवत गडसंवर्धनाचे महत्त्व अधोरेखित करण्यात आले. यावेळी शिवकालीन इतिहासाची माहिती देत तरुण पिढीला वारसा जपण्याचे आवाहन करण्यात आले.
🙏 आभार प्रदर्शन
कार्यक्रमाच्या यशस्वी आयोजनाबद्दल संस्थेचे सचिव अनिल आमटे यांनी सर्व सहकाऱ्यांचे, उपस्थितांचे व सहभागींंचे आभार मानले.
✨ वाढदिवसाचा खरा अर्थ समाजासाठी जगण्यात आहे, हे पुन्हा एकदा अधोरेखित करणारी ही मोहीम आंबागडावर इतिहासात नोंद घेण्यासारखी ठरली.

संकलन:- अमर वासनिक, न्यूज एडिटर, पोलिस योद्धा न्यूज नेटवर्क