🎬 नेहरू वॉर्डात गोमांस विक्रीचा पर्दाफाश — कारधा पोलिसांची धडक कारवाई; 180 किलो गोमांसासह दोन आरोपी ताब्यात

कारधा | प्रतिनिधी

कारधा पोलीस स्टेशन हद्दीतील नेहरू वॉर्ड परिसरात अवैध गोमांस कत्तल व विक्रीचा गंभीर प्रकार उघडकीस आला असून, कारधा पोलिसांनी धडक कारवाई करत दोन आरोपींना रंगेहाथ पकडले आहे. या कारवाईत तब्बल 180 किलो गोमांसासह सुमारे ₹47,840 रुपयांचा मुद्देमाल जप्त करण्यात आला आहे.

दि. 13 डिसेंबर 2025 रोजी सकाळी 11.51 वाजता, पोलीस उपनिरीक्षक हेमराज सोरते (पो.स्टे. कारधा) हे पोलीस स्टाफसह नेहरू वॉर्ड कारधा परिसरात पेट्रोलिंग करत असताना मिळालेल्या गुप्त माहितीच्या आधारे आरोपी अजीम अजीज कुरैशी (वय 38, रा. सौदागर मोहल्ला, अंसारी वॉर्ड, बैरागीवाडा, भंडारा – सध्या नेहरू वॉर्ड, कारधा) यांच्या घरावर छापा टाकण्यात आला.

छाप्यादरम्यान आरोपी अजीम कुरैशी व त्याचा साथीदार परवेज रऊफ खान (वय 32, रा. बाबा मस्तानशाहा वॉर्ड, भंडारा) हे संगनमताने अवैधरीत्या गोवंशीय मांस कापत असल्याचे आढळून आले. घटनास्थळी पोलिसांनी मोठ्या प्रमाणात गोमांस व कत्तलीसाठी वापरण्यात येणारे साहित्य जप्त केले.

🔴 जप्त मुद्देमाल :

180 किलो गोमांस (प्रति किलो ₹200 प्रमाणे) – ₹36,000

गोमांस कापण्यासाठी वापरण्यात येणारा लाकडी ओंडका – ₹200

लहान-मोठे छुरे – ₹300

जुना इलेक्ट्रिक वजन काटा – ₹3,000

पांढऱ्या रंगाची इलेक्ट्रिक फ्रीज – ₹8,000

20 प्लास्टिक पन्न्या – ₹20

हिरव्या रंगाचा प्लास्टिक टब – ₹200

आरोपीकडील रोख रक्कम – ₹120

👉 एकूण जप्त मुद्देमाल : ₹47,840

या प्रकरणी पोलीस स्टेशन कारधा येथे अप.क्र. 586/2025 अन्वये
भा.न्या.सं. कलम 325, 3(5) सह महाराष्ट्र पशु संरक्षण अधिनियम 1976 चे कलम 5(क), 9(अ) अंतर्गत गुन्हा नोंदविण्यात आला आहे.

सदर प्रकरणाचा पुढील तपास पोलीस हवालदार विनयकुमार साठवणे (मो. 9923794325) करीत आहेत. या कारवाईमुळे परिसरात खळबळ उडाली असून, अवैध गोमांस विक्री करणाऱ्यांवर कडक कारवाईचा इशारा पोलिसांनी दिला आहे.

—

संकलन:- अमर वासनिक, न्यूज एडिटर, पोलिस योद्धा न्यूज नेटवर्क