🎬 दहा वर्षांचा लोकशाहीचा अंधार… आणि सरडपारमध्ये आशेची एन्ट्री! रिपब्लिकन सेना चिमुर तालुक्याचा ठाम पुढाकार; उपेक्षित गावात थेट मैदानात उतरली संघटना

चिमुर | प्रतिनिधी

चंद्रपूर जिल्ह्यातील चिमुर तालुक्यात असलेले सरडपार गाव…
जिथे गेल्या तब्बल दहा वर्षांपासून ग्रामपंचायत नाही,
जिथे दहा वर्षांपासून मतदानच झालेले नाही,
आणि जिथे लोकशाही केवळ कागदावर उरली आहे.

अशा या उपेक्षित, दुर्लक्षित आणि व्यवस्थेपासून दूर ठेवलेल्या सरडपार गावात
आज रिपब्लिकन सेना चिमुर तालुका संपूर्ण ताकदीने दाखल झाली…
आणि गावात पुन्हा एकदा न्यायाची चर्चा सुरू झाली.

आज दिनांक १५ डिसेंबर २०२५ रोजी रिपब्लिकन सेना चिमुर तालुक्याच्या वतीने पुढाकार घेत
तालुक्यातील संपूर्ण टीम सरडपार गावात प्रत्यक्ष पोहोचली.
गावात पाय ठेवताच “आमचं कोणीच ऐकत नाही” ही भावना प्रत्येक चेहऱ्यावर स्पष्ट दिसत होती.

🔴 ६०० हून अधिक लोकसंख्या… बहुसंख्य अनुसूचित जाती-जमातीची
सरडपार गावात जवळपास ६०० लोकसंख्या असून त्यातील बहुतांश नागरिक अनुसूचित जाती व जमाती समुदायातील आहेत.
इतर समाजाचे प्रमाण केवळ १ टक्क्याच्या आसपास असतानाही,
या गावाकडे जातीय तुलनेतून पाहिले गेले आणि त्यामुळेच गाव कायम दुर्लक्षित राहिले, असा आरोप नागरिकांनी केला.

काँग्रेस, भाजपसह अनेक राजकीय पक्षांनी केवळ भेटी दिल्या…
भाषणं केली… आश्वासनं दिली…
पण प्रत्यक्षात काहीच बदल झाला नाही, अशी संतप्त प्रतिक्रिया गावकऱ्यांनी व्यक्त केली.

🎥 रिपब्लिकन सेना मैदानात उतरली
या सगळ्या पार्श्वभूमीवर आता फक्त बोलून नव्हे, तर लढून न्याय मिळवून देण्यासाठी
रिपब्लिकन सेना चिमुर तालुका थेट मैदानात उतरल्याचे चित्र आज सरडपारमध्ये दिसून आले.

तालुका टीमने घराघरात जाऊन समस्या ऐकून घेतल्या,
रस्ते, पाणी, वीज, आरोग्य, प्रशासनाकडे प्रलंबित प्रश्नांची प्रत्यक्ष पाहणी केली
आणि हा लढा इथंच थांबणार नाही असा निर्धार व्यक्त केला.

👥 उपस्थित मान्यवर व कार्यकर्ते :
या वेळी
▪️ जगदीश मेश्राम – तालुका अध्यक्ष
▪️ प्रविण शंभरकर – तालुका उपाध्यक्ष
▪️ आशिष बोरकर – भीम आर्मी सरडपार तालुका अध्यक्ष
▪️ संकेत जाभुलकर – तालुका नियोजन अध्यक्ष
▪️ अभिषेक जिवतोडे, सतीश भैसारे, प्रज्वल मेश्राम यांच्यासह भीम आर्मीचे युवा कार्यकर्ते मोठ्या संख्येने उपस्थित होते.

🎬 सरडपारचा लढा आता थांबणार नाही…
दहा वर्षांची लोकशाहीची पोकळी,
दहा वर्षांचा प्रशासकीय अंधार
आता प्रश्नांच्या मशालीने उजळणार का?
हे येणारा काळ ठरवेल…
पण आज सरडपारमध्ये न्यायासाठीची चळवळ सुरू झाली आहे, हे नक्की.

—

संकलन:- श्री राजकुमार खोब्रागडे, मुख्य संपादक तथा डायरेक्टर