🎬 कुभली–मोहपाटा पांदन रस्त्यावर मध्यरात्री रेतीचोरीचा थरार — ट्रॉली फुटताच आरोपी पसार; ₹1.06 लाखांचा मुद्देमाल पोलिसांच्या ताब्यात

साकोली | प्रतिनिधी

साकोली तालुक्यातील कुभली ते मोहपाटा रोडवरील पांदन रस्त्यावर मध्यरात्री रेतीचोरीचा धक्कादायक प्रकार उघडकीस आला आहे. अवैधरित्या रेती वाहतूक करणाऱ्या ट्रॅक्टरची ट्रॉली अचानक फुटल्याने आरोपींनी घटनास्थळीच रेती आणि ट्रॉली टाकून ट्रॅक्टरसह पलायन केल्याची घटना समोर आली आहे.

ही घटना दि. 14 डिसेंबर 2025 रोजी रात्री सुमारे 12.15 वाजता, पांदन रस्ता, कुभली–मोहपाटा रोडपासून सुमारे 8 कि.मी. दक्षिण दिशेला, शेतशिवार व जंगल परिसरात घडली.
या प्रकरणातील आरोपी

1. पियूष आनीकराम निंबेकर (वय 20)

2. श्रीराम श्यामराव निंबेकर (वय 41)
दोघेही रा. सेंदूरवाफा, ता. साकोली, जि. भंडारा — यांनी ट्रॅक्टर-ट्रॉलीतून बिनापरवाना एक ब्रास रेतीची चोरी करून वाहतूक केली होती.

दरम्यान, ट्रॉलीचे बेरिंग फुटल्याने ट्रॉलीतील रेती खाली उतरवून, आरोपींनी ₹1,00,000 किमतीची ट्रॉली घटनास्थळी सोडून ट्रॅक्टर घेऊन पळ काढला.

या घटनेबाबत पोलीस शिपाई गणेश हंसराज (ब.नं. 218), पोलीस स्टेशन साकोली यांनी दिलेल्या लेखी तक्रारीवरून पो.स्टे. साकोली येथे गुन्हा क्र. 689/2025, कलम 305(ई) भा.न्या.सं. 2001 अंतर्गत गुन्हा नोंद करण्यात आला आहे.

जप्त मुद्देमाल :

ट्रॅक्टर ट्रॉली – ₹1,00,000

एक ब्रास अवैध रेती – ₹6,000
👉 एकूण मुद्देमाल : ₹1,06,000

या प्रकरणाचा पुढील तपास पोलीस नायक मंगेश खुळसाम करीत असून, पलायन केलेल्या आरोपींचा शोध सुरू आहे.
अवैध रेती वाहतुकीविरोधात साकोली पोलिसांची कारवाई सुरूच असून, परिसरात खळबळ उडाली आहे.