🎬 अर्जुनी/मोर — सरस्वती संस्थेच्या वार्षिकोत्सवी क्रीडा स्पर्धांचे दिमाखदार उद्घाटन; “खेळ चिकाटी आणि परिश्रम शिकवतो” — डॉ. बल्लभदास भूतडा

अर्जुनी/मोर प्रतिनिधी

स्थानिक सरस्वती विद्यालय व कनिष्ठ महाविद्यालय, जी.एम.बी. इंग्लिश मीडियम हायस्कूल व कनिष्ठ महाविद्यालय, तसेच सरस्वती विद्यानिकेतन प्राथमिक शाळा यांच्या संयुक्त विद्यमाने आयोजित वार्षिकोत्सवी क्रीडा स्पर्धांचा शुभारंभ जल्लोषात झाला.

कार्यक्रमाच्या अध्यक्षस्थानी संस्थेचे अध्यक्ष डॉ. बल्लभदास भुतडा होते. व्यासपीठावर प्रमुख पाहुणे म्हणून संस्थेचे कोषाध्यक्ष जयप्रकाश भैय्या, सचिव सर्वेश भुतडा, वाय. डोंगरवार (शाखा व्यवस्थापक, एसबीआय अर्जुनी/मोर), पोलीस उपनिरीक्षक घनश्याम तांबे, क्रीडा संघटक शाहेद कुरैशी, प्राचार्य जे.डी. पठाण, उपप्राचार्या अर्चना गुरूनुले, जी.एम.बी. हायस्कूलच्या प्राचार्या शव्या जैन, समन्वयक भगीरथ गांधी, तसेच सरस्वती विद्यानिकेतन शाळेच्या मुख्याध्यापिका कल्पना भुते आदी मान्यवर उपस्थित होते.

कार्यक्रमाच्या प्रारंभी क्रीडा ज्योती प्रज्वलित करून स्पर्धांचे औपचारिक उद्घाटन झाले.

मान्यवरांचे प्रभावी मार्गदर्शन

वाय. डोंगरवार यांनी सचिन तेंडुलकर, मेरी कोम आणि उसेन बोल्ट यांचा आदर्श देत, “खेळाडूंचे ध्येय आणि शिस्त भविष्यात यशाचे दार उघडते,” असे मत व्यक्त केले.

पो.उपनिरीक्षक घनश्याम तांबे यांनी विद्यार्थ्यांना शारीरिक सुदृढतेसाठी खेळ आवश्यक असल्याचे सांगितले.

शाहेद कुरैशी यांनी “खेळ हा जीवनाचा अविभाज्य घटक आहे,” असा संदेश दिला.

प्राचार्य पठाण यांनी खेळाचे शैक्षणिक महत्त्व स्पष्ट केले.

अध्यक्षीय भाषणात डॉ. भुतडा म्हणाले, “खेळ चिकाटी, परिश्रम, जिद्द वाढवतो — आणि हाच गुण आयुष्य पुढे नेत राहतो.”

यानंतर खेळ भावना शपथ देण्यात आली, तर जिल्हा, विभागीय आणि राज्यस्तरावर यश मिळवणाऱ्या विद्यार्थ्यांचा प्रमाणपत्र व स्मृतिचिन्ह देऊन गौरव करण्यात आला.

मंचावरील कार्यक्रमात विद्यार्थ्यांनी योगा, नृत्य आणि क्रीडात्मक सादरीकरणे करून उपस्थितांची दाद मिळवली.

कार्यक्रमाचे संचालन अनुष्का कारेवार (इ.११ विज्ञान) यांनी केले, तर आभार प्रदर्शन साहिल संग्रामे (इ.९, जी.एम.बी.) यांनी मानले.

कार्यक्रम यशस्वी करण्यात सर्व शिक्षक-कर्मचाऱ्यांनी उत्स्फूर्त योगदान दिले.

संकलन:- श्री गणेश सोनपिंपळे, पत्रकार- भंडारा – गोंदिया, पोलिस योद्धा न्यूज नेटवर्क