🎬 अडयाळमध्ये अवैध कत्तलीवर मोठी कारवाई; गोवंश मांस विक्री करणारा आरोपी रंगेहात अटकेत, ११,७०० रुपयांचा मुद्देमाल जप्त

अडयाळ | प्रतिनिधी
अडयाळ परिसरात अवैध गोवंश कत्तल व मांस विक्री करणाऱ्यांविरोधात पोलिसांनी धडक कारवाई करत एकाला रंगेहात अटक केली आहे. या कारवाईमुळे परिसरात खळबळ उडाली असून, कायदा मोडणाऱ्यांना पोलिसांचा कडक इशारा मिळाला आहे.
दि. 24 डिसेंबर 2025 रोजी सकाळी 7.30 ते 9.00 दरम्यान मौजा समता नगर, अडयाळ येथील 02 किमी पूर्व परिसरात मुखबिराकडून मिळालेल्या खात्रीशीर माहितीनुसार पोलीस स्टेशन अडयाळच्या पथकाने पंचांसह छापा टाकला. छाप्यादरम्यान आरोपी रोहित शफी शेख (वय 39 वर्षे, रा. समता नगर, वार्ड क्र. 05, अडयाळ, ता. पवनी) हा स्वतःच्या आर्थिक फायद्यासाठी अवैधरित्या गोवंश जातीच्या गोऱ्याची कत्तल करून मांस विक्री करताना आढळून आला.
पंचासमक्ष झडती घेतली असता आरोपीच्या ताब्यातून
अंदाजे 50 किलो गोमांस (प्रति किलो 200 रुपये प्रमाणे किंमत 10,000 रुपये),
एक लोखंडी काता (300 रु.),
एक लोखंडी सुरी (200 रु.),
एक कानस (100 रु.),
एक लाकडी कुंदा (100 रु.),
एक लोखंडी वजन काटा (दोन बटांसह) (1,000 रु.)
असा एकूण 11,700 रुपयांचा मुद्देमाल जप्त करण्यात आला.
या प्रकरणी फिर्यादी सहाय्यक पोलीस निरीक्षक शिरीष नवनाथ भालेराव (वय 40 वर्षे, नेमणूक – स्था. गु. शा. भंडारा) यांच्या लेखी तक्रारीवरून पोलीस स्टेशन अडयाळ येथे अपराध क्रमांक 390/2025 नोंद करण्यात आला आहे. आरोपीविरुद्ध महाराष्ट्र प्राणी संरक्षण अधिनियम 1976 अंतर्गत कलम 5, 5(क), 9, 9(अ) तसेच कलम 325 भारतीय न्याय संहिता अन्वये गुन्हा दाखल करण्यात आला आहे.
या प्रकरणाचा पुढील तपास पोलीस हवालदार मारबते करीत असून, अवैध कत्तल व बेकायदेशीर मांस विक्री करणाऱ्यांवर भविष्यातही कठोर कारवाई करण्यात येणार असल्याचा इशारा पोलिसांनी दिला आहे.
🚨 कायदा मोडणाऱ्यांना अजिबात पाठीशी घातले जाणार नाही; अडयाळ पोलिसांची कारवाई अधिक तीव्र होणार असल्याचे संकेत या घटनेतून मिळाले आहेत.