🌹 वर्ध्या जिल्ह्यात संचारबंदीला उत्स्फुर्त प्रतिसाद 🌹

कोरोना या संसर्गजन्य आजा राचे रुग्ण वाढीवर असल्यामुळे संसर्ग साखळी तोडण्यासाठी जिल्हा प्रशासनाने 36 तासाची संचारबंदी शनिवारी रात्री 8 वाजता ते सोमवार सकाळी 8 वाजेपर्यंत घोषित केली.प्रशासनाच्या या आवाहनाला शहरासह ग्रामीण भागात उत्स्फूर्त प्रतिसाद मिळाला.
2020 च्या फेब्रुवारी महिन्यात कोविड या आजाराची जनमानसात दहशत निर्माण झाली होती. त्यानंतरचा काळ अनेकांकरिता कठीण गेला .
पुन्हा एक वर्षानंतर पुन्हा संचारबंदीला जिल्ह्यातील नागरिकांना समोर जाण्याची वेळ आली. प्रशासनाच्या आवाहनाला प्रतिसाद देत शहरातील सर्व व्यावसायिक प्रतिषठाने शनिवारी रात्री बंद झाली .ती रविवारी उघडल्या गेली नाही.
रविवारी सुट्टीचा दिवस असल्याने शासकीय व निमशासकीय कार्यालये बंद राहिली.नागरिकांनी शातपावलीसाठीही घराच्या बाहेर निघणे पसंत केले नाही.फक्त वृत्तपत्र वितरक व दूध वितरकच तेवढे घरून बाहेर पडले. पोलीस, गृहरक्षक, न.प.कर्मचारी ,प.स.कर्मचारी,महसुल कर्मचारी बनदोबस्तकरिता घरून बाहेर पडले. रोज गजबजून राहणारे शहरातील प्रमुख चौक सकाळपासूनच ओस होते.काही चौका मध्ये पोलिसांसह शासकीय कर्मचाऱ्याच्या सेवा लावण्यात आल्या होत्या. रस्त्यावर येणाऱ्या नागरिकांकडे हे कर्मचारी चौकशी करतांना निदर्शनास आले. शहरातील औषधी विक्री केंद्र व खाजगी रुग्णालये सकाळी सुरू होते. दुपारी बंद झालेली रुग्णालये पुन्हा उघडल्या गेली नाही.
पोलीस आधीऱ्यासह कर्मचाऱ्यांनी रस्त्यावरून फिरणाऱ्या ना थांबविता त्यांची चौकशी केली. समाधानकारक उत्तर न देणाऱ्याना दंडात्मक कारवाई करण्यात आली व काहींना समज देण्यात आला.
🌹रेल्वे अधिकाऱ्यांनी दिल्या सूचना ,🌹
रेल्वेने वर्धा व सेवाग्राम रेल्वे स्थानकावर आलेल्या प्रवाशांना घरी जाण्याकरिता कोणतेही साधन न मिळाल्यामुळे मोठा मनस्ताप सहन करावा लागला. वृद्धांना पायपीट करण्याची वेळ आली. तर महिलांना बॅग घेऊन चालणे कठीण झाले.
🌹पेट्रोलविना वाहने थांबली 🌹दुरून प्रवास करीत शहरात आलेल्या वाहनांना पेट्रोल पंप बंद असल्यामुळे डिझेल व पेट्रोल मिळाले नाही. वाहन चालक वप्रवासी मनधरणी करतांना आढळले. पेट्रोल न मिळाल्यामुळे अनेकांची वाहने जागेवरच उभी राहिली.
🌹 भिक्षुकानांना अन्न प्रतीक्षा 🌹मागील संचारबंदीच्या काळात भिक्षा मागून जीवन जगणाऱ्या नागरिकांच्या मदतीला अनेकांचे हात पुढे आले होते. रविवारी मात्र तसे दिसून आले नाही. साई मंदिराजवळील भिक्षुक ,गजानन महाराज मंदिर ,व शनी मंदिराजवळील भिक्षुक पोटाची खळगी भरण्याकरिता काहीतरी आणून देईल अशी प्रतीक्षा करतांना नजरेस पडत होते.

महेश देवशोध .
जिल्हा: वर्धा
न्यूज रिपोर्टर.
महाराष्ट्र राज्य.