🌹वर्धा टिळक भाजी बाजाराला भीषण आग 🌹

🌹25 दुकानासह 20 हातगाड्या खाक , अनेकांच्या उदरनिर्वाहाची झाली राखरांगोळी , कारण गुलदस्त्यातच 🌹
वर्धा शहरातील नागरिकांना भाजीपाला आणि फळविक्री करण्याकरिता असलेल्या टिळक भाजी बाजाराला याचानक आग लागली. यात दुकानाची अख्खी एक रांगच आगीच्या भक्ष्य स्थानी आली.एका रांगेत असलेली 25 दुकाना सह त्यातील साहित्य आणि त्या दुकानासमोरील असलेल्या हातगाड्या आगीच्या भक्ष्य स्थानि आल्या .ही घटना रविवारी (ता. 28 ) सकाळी 9 वाजताच्या सुमारास घडली. या आगीचे कारण स्पष्ट नसून यात सुमारे एक कोटी रुपयांचे नुकसान झाल्याचा अंदाज आहे.
आग लागल्याची बातमी कळताच दुकाने असलेल्यांची तारांबळ उडाली. प्रत्येकाने आपापल्या दुकानाकडे धाव घेतली. माहिती मिळताच नगर पालिकेचा अग्निशमन दल घटनास्थळी दाखल झाले. सर्वच दुकाने लोखंडी साहित्यापासून बनलेली असल्याने आगीने रौद्ररूप धारण केले. एका कोपऱ्यापासून सुरू झालेली आग
पाहता पाहता पूर्ण ओळीत पसरली. या ओळीत असलेल्या दुकानासमोर अनेक फेरीवाल्यांच्या हात गाड्या ठेवण्यात आल्या होत्या . त्याही या आगीच्या भक्ष्यस्थानी आल्या .
अग्निशमन दलाचे जवान आग विझवण्याचा प्रयत्न करीत असतांनाही ही आग आग आटोक्यात येत नसल्याचे दिसून आले. आग विझवताना येथील दुकान मालकाकडून दुकाने वाचविण्याचा प्रयत्न करीत असतानी पोलिसांना पाचारण करण्यात आले होते. अखेर चार ते पाच तासाच्या प्रयत्नानंतर या आगीवर ताबा मिळविता आला .
आग आटोक्यात येईपर्यंत येथील 25 दुकानातील भाजीपाला, फळ आणि फ्रिज व इतर साहित्याचा कोळसा झाला.
बऱ्याच दुकानातील गल्ल्यात असलेली रक्कमही भक्ष्य स्थानी आली.
🌹पालिका व दुकान मालकांचा
संघर्ष 🌹
टिळक भाजी बाजार म्हणून नगरपरिषदेने निर्माण केलेल्या या बाजारातील दुकान मालक आणि नगर पालिका प्रशासन यांच्यात मालकी हक्का बाबत वाद आहे .हा वाद न्यायालयात आहे . यामुळे या बाजाराचे नुतनीकरनाचे काम रखडले आहे.
🌹कुत्र्याच्या चार पिल्लांना
अग्नी समाधी 🌹
या आगीत नुकत्याच जन्म लेल्या चार पिल्लांना अग्नी समाधी मिळाली .
🌹यांच्या दुकानाची🌹
झाली राख 🌹
कमलेश चकोले, प्रमोद भोयर ,गजानन राडे, अस्लमबेग,खलील मिर्झा बेग,राजू हरगे, मनोज भेंडारे,राजू शेंडे,शेख शहरूंक कुरेशी,रामकीशन गुप्ता अशोक भोवरे ,व राजेंद्र खेकडे.
🌹हात गाड्याचा झाला
कोळसा 🌹
नीरज हरगे, भागवत मस्के ,किरण गुजर ,मयूर तीवस्कर, संतोष लोहकरे,शेख सलीम,राहुल कांबळे,मेहबूब कुरेशी ,शरद पाटील, किरण गुजर,सतीश दांडेकर,सुरेश मुन,अमोल देशभ्रतार.

🌹महेश देवशोध.(राठोड)🌹
वर्धा जिल्हा प्रतिनिधी
पोलीस योद्धा
न्यूज नेट वर्क