सरस्वती विद्यालयात राष्ट्रीय मतदार दिन साजरा

अर्जुनी मोर:- स्थानिक सरस्वती विद्यालय व कनिष्ठ महाविद्यालयात २५ जानेवारी २०२५ला राष्ट्रीय मतदार दिन साजरा करण्यात आला याप्रसंगी कार्यक्रमाचे अध्यक्षस्थानी शाळेचे प्राचार्य जे.डी.पठाण तर प्रमुख उपस्थिती उपविभागीय अधिकारी वरून कुमार सहारे, उपप्राचार्य महेश पालीवाल,पर्यवेक्षक लोकमित्र खोब्रागडे, सरस्वती विद्यानिकेतन प्राथमिक शाळेच्या मुख्याध्यापिका कल्पना भुते यांची होती. मतदान करताना कुठल्याही अमिशाला बळी न पडता निस्वार्थीपणे मतदानाचा हक्क प्रत्येक नागरिकाने बजावलाच पाहिजे असे मार्गदर्शन उपविभागीय अधिकारी वरून कुमार सहारे यांनी केले. लोकशाही देशात मतदानाचा मूलभूत अधिकार अठरा वर्षे पूर्ण झालेल्या प्रत्येक नागरिकाला असून त्यांनी तो बजावलाच पाहिजे असे अध्यक्षीय मार्गदर्शन प्राचार्य जे.डी. पठाण यांनी केले. या दिनाचे औचित्य साधून शाळेमध्ये निबंध,वक्तृत्व व घोषवाक्य स्पर्धा आयोजित करण्यात आली.तसेच मतदार दिवसाची शपथ विद्यार्थ्यांना देण्यात आली. आरएसपी,स्काऊट/गाईड व रासेयो विद्यार्थ्यांची मतदान जनजागृती रॅली काढण्यात आली. सदर रॅलीला उपविभागीय अधिकारी वरून कुमार सहारे, तहसीलदार अनिरुद्ध कांबळे, प्राचार्य जे.डी.पठाणयांनी हिरवी झेंडी दाखवून मार्गस्थ केले.कार्यक्रमाचे संचालन व आभार अर्चना गुरूनुले यांनी केले.