संविधान दिनानिमित्त विविध कार्यक्रमांचे आयोजन

मुंबई दि. २४ : भारतीय संविधानाविषयी जनतेमध्ये जनजागृती व्हावी या दृष्टीने दरवर्षी दि.२६ नोव्हेंबर हा दिवस ‘संविधान दिन’ म्हणून साजरा करण्यात येतो. दरवर्षी या उपक्रमाचा एक भाग म्हणून संविधानातील निहित मूल्ये आणि तत्त्वे अधोरेखित आणि पुनरुत्थान करण्याच्या उद्देशाने विविध उपक्रम आयोजित केले जातात.

सर्व शासकीय व निमशासकीय कार्यालये, स्वायत्त संस्था, संस्था आणि संस्थांसह शैक्षणिक संस्थेत संविधानाच्या उद्देशिकेचे सामूहिक वाचन केले जाते. तसेच संवैधानिक मूल्यांवर चर्चा/वेबिनार आयोजित करण्यात येतात. दि.२६ नोव्हेंबर हा दिवस संविधान दिन म्हणून साजरा करण्याबाबतचे शासन परिपत्रक निर्गमित करण्यात आले आहे.

०००