विद्यार्थ्यांनी वैज्ञानिक दृष्टिकोन बाळगावा:- डॉ. राजीव वेगीनवार 

विद्यार्थ्यांनी वैज्ञानिक दृष्टिकोन बाळगावा:- डॉ. राजीव वेगीनवार

संदीप तुरक्याल

चंद्रपूर जिल्हा न्युज रिपोर्टर महाराष्ट्र राज्य….

पोंभुर्णा:- चिंतामणी कॉलेज ऑफ सायन्स पोंभूर्णा येथे सायन्स एज्युकेशन सोसायटी तर्फे राष्ट्रीय विज्ञान दिवस साजरा करण्यात आला. राष्ट्रीय विज्ञान दिवसाचे औचित्य साधून विद्यार्थ्यांसाठी माती परीक्षण व सेंद्रिय शेती या विषयावर मार्गदर्शन शिबिर आयोजित करण्यात आले.

या कार्यक्रमाप्रसंगी कार्यक्रमाचे अध्यक्ष महाविद्यालयाचे प्राचार्य डॉ. राजीव वेगीनवार सर, डॉ. सुधीर हुंगे, प्रमुख पाहुणे म्हणून तालुका कृषी अधिकारी पोंभूर्णा श्री चंद्रकांत निमोड, डॉ.अनंत देशपांडे, डॉ. विनोद कुमार उपस्थित होते.

दरवर्षीप्रमाणे यावर्षी सुद्धा सायन्स एज्युकेशन सोसायटी तर्फे राष्ट्रीय विज्ञान दिवसाचे औचित्य साधून महाविद्यालयाचे हस्तलिखित वार्षिकांक प्रतिबिंब चे प्रकाशन करण्यात आले. या कार्यक्रमातील प्रमुख पाहुणे चंद्रकांत निमोड सर यांनी आपल्या मार्गदर्शनातून माती परीक्षण व सेंद्रिय शेती यावर सखोल मार्गदर्शन विद्यार्थ्यांसाठी केलं. सोबतच शेतीसाठी महाराष्ट्र सरकार कडून ज्या विशेष योजना राबविल्या जातात त्यांची माहिती विद्यार्थ्यांना दिली.