भाजप कोंढाळी मंडल अध्यक्ष घोषित निखिल जयस्वाल कोंढाळी मंडळ भाजपा अध्यक्ष

कोंढाळी -प्रतिनिधी
जिल्हाध्यक्षपदाच्या निवडणुकीपूर्वी, २० एप्रिल रोजी भाजपने मंडल अध्यक्षांची घोषणा केली आहे.
४ एप्रिल रोजी नागपूर जिल्हा भाजप अध्यक्ष सुधाकर कोहळे यांच्या सूचनेनुसार, आमदार चरणसिंग ठाकूर यांच्या मार्गदर्शनाखाली, भाजप नागपूर जिल्हा सरचिटणीस दिनेश ठाकरे, काटोल शहर भाजप अध्यक्ष विजय महाजन, ज्येष्ठ नेते शेषराव चाफले, वरिष्ठ अधिकारी आयुब पठाण, राजेश क्षीरसागर यांच्या नेतृत्वाखाली, कोंढाळी मंडळाच्या शेकडो भाजप पदाधिकाऱ्यांसमोर कोंढाळी मंडळाच्या अध्यक्षपदासाठी जनमत चाचणी घेण्यात आली. ज्याचा निर्णय भाजप २० एप्रिल रोजी जाहीर करण्यात आला.
कोंढाळी मंडळ निवडणूक निर्णय घोषणा अधिकारी भाजपचे वरिष्ठ अधिकारी किशोर रेवतकर आणि हेमंत कवडकर यांनी कोंढाळी जवळील दुधाळा येथील समाज भवनात कोंढाळी मंडळ स्तरावरील अधिकारी आणि भारतीय जनता पक्षाच्या सदस्यांची बैठक आयोजित केली आणि निखिल जयस्वाल यांची कोंढाळी मंडळ अध्यक्षपदी निवड जाहीर केली.
यावेळी भाजपचे शामराव तायवाडे, विशाल काळबांडे, योगेश गोतमारे, लताताई धारपुरे, मनोज गोरे, प्रवीण गायधने यांच्यासह उपस्थित भाजप कोंढाळी मंडळाचे पदाधिकारी व कार्यकर्त्यांनी निखिल जैस्वाल यांची भाजपच्या कोंढाळी मंडल अध्यक्षपदी निवड झाल्याची घोषणा करून त्यांचे अभिनंदन केले.