भंडारा पोलिसांचा ‘रुद्रावतार’! जवाहरनगरमध्ये जुगार अड्ड्यावर सर्जिकल स्ट्राईक; ३ लाखांचा मुद्देमाल जप्त
एसपी नूरुल हसन यांच्या आदेशाने ८ जुगारी आणि ४ महिला दारू माफियांवर मोठी कारवाई!
भंडारा (प्रतिनिधी):
जिल्ह्यातील अवैध धंद्यांचे समूळ उच्चाटन करण्यासाठी पोलीस अधीक्षक श्री. नूरुल हसन यांनी दिलेल्या कडक निर्देशानंतर जिल्ह्याची खाकी वर्दी ‘ॲक्शन मोड’मध्ये आली आहे. जवाहरनगर, भंडारा शहर, कारधा, तुमसर आणि साकोली पोलीस ठाण्यांच्या हद्दीत एकाच वेळी धाडी टाकून पोलिसांनी ३,०४,४१० रुपयांचा मुद्देमाल जप्त केला आहे.
💥 जवाहरनगरमध्ये मध्यरात्रीचा थरार: ३ आरोपी जाळ्यात, ५ फरार!
जवाहरनगर पोलिसांनी फुलमोगरा परिसरात जुगार अड्ड्यावर मोठी छापेमारी केली. या कारवाईत पोलिसांनी ३,०१,५१० रुपयांचा माल जप्त केला असून ८ जणांवर गुन्हा दाखल केला आहे.
अटकेतील आरोपी:
१) अतुल उत्तम रामटेके (वय ३७, रा. फुलमोगरा)
२) प्रणय नाशीक बागडे (वय २९, रा. उमरी)
३) दिनेश दलपत आगासे (वय ४०, रा. पिपरी)
फरार आरोपी (पोलिस त्यांचा शोध घेत आहेत):
४) अक्षय नरेंद्र वासनिक (वय २५)
५) रंजित भागचंद मेश्राम (वय ३०)
६) प्रविण चंदशेखर मेश्राम (वय ३०)
७) लकी किशोर बोरकर (वय २३)
८) अनिकेत मनोज घरडे (वय २७, सर्व रा. फुलमोगरा)
जप्त मुद्देमाल: घटनास्थळावरून अॅक्टिव्हा (MH-36-AL-6840), बजाज पल्सर (MH-36-AS-8046), ड्रीम युगा (MH-36-J-6554) आणि आणखी एक पल्सर (MH-36-AM-3902) यासह रोख रक्कम व जुगार साहित्य जप्त केले.
🚨 दारू अड्ड्यांवर पोलिसांचा ‘पंजा’; ४ महिला आरोपींवर गुन्हे दाखल
जिल्ह्यात दारूबंदी कायद्यान्वये पोलिसांनी विविध ठिकाणी छापे मारून हातभट्टीची दारू जप्त केली आहे:
भंडारा शहर: भगतसिंग वॉर्ड, टाकळी येथे ६५ वर्षीय महिला आरोपीकडून ५ लिटर मोहफूल दारू जप्त.
कारधा: आमगाव-दिघोरी येथे ४८ वर्षीय महिला आरोपीच्या अड्ड्यावर धाड टाकून १००० रुपयांची दारू जप्त.
तुमसर: देव्हाडी येथील टिळक वॉर्डात ६० वर्षीय महिला आरोपीवर कारवाई करून दारूसाठा जप्त.
साकोली: वांगी परिसरात ४१ वर्षीय महिला आरोपीकडून ‘टायगर ब्रँड’ देशी दारूचे १० पव्वे जप्त.
खाकीचा इशारा: अवैध धंदे चालवणाऱ्यांचे धाबे दणाणले!
पोलीस अधीक्षक श्री. नूरुल हसन यांच्या मार्गदर्शनाखाली जिल्हयातील ठाणेदारांनी ही धडक मोहीम राबवली आहे. जुगार अड्ड्यावर ३,०१,५१० रुपये तर दारू अड्ड्यांवर २,९०० रुपयांची ही कारवाई अवैध धंदेवाल्यांसाठी मोठा इशारा मानली जात आहे.
वृत्तसंकलन:
अमर वासनिक
न्यूज एडिटर,
पोलीस योद्धा न्यूज नेटवर्क