भंडारा जिल्ह्यात विविध गुन्ह्यांची नोंद — रेती चोरीपासून एनडीपीएस अॅक्टपर्यंत अनेक कारवाया

भंडारा, दि. 12 ऑक्टोबर 2025 — भंडारा जिल्ह्यातील विविध पोलीस ठाण्यांतून गेल्या काही दिवसांत रेती चोरी, सिलेंडर चोरी, दुखापत, एनडीपीएस अॅक्ट आणि मर्ग अशा विविध स्वरूपाच्या घटनांची नोंद करण्यात आली आहे. खालीलप्रमाणे प्रत्येक घटनेचा तपशील आहे:

—

रेती चोरी – गोबरवाही पोलीस ठाणे

दि. 8 ऑक्टोबर 2025 रोजी गोबरवाही पोलिसांनी मौजा देवणारा ते रोहणीटोला या मार्गावर रेती वाहतुकीदरम्यान कारवाई केली.
पोलिस हवालदार मंगेश पेंदाम हे पेट्रोलिंगदरम्यान एका निळ्या रंगाच्या स्वराज ट्रॅक्टर (क्र. डभ्-36 T-2591) ला थांबवून तपास केला असता, त्यात एक ब्रास रेती आढळली. चालक मच्छिद्र श्रीकिशन राऊत (वय 29, रा. गोवारीटोला, ता. तुमसर) याने रेतीचा परवाना न दाखविल्याने ट्रॅक्टर व ट्रॉलीसह एकूण ₹7,06,000 किमतीचा माल जप्त करण्यात आला.
गुन्हा कलम 303(2) भा.न्या.संहिता 2023, महा. जमीन महसुल अधिनियम 1966 व पर्यावरण संरक्षण अधिनियम 1986 अंतर्गत नोंदविण्यात आला.
तपास पोहवा. मंगेश पेंदाम करीत आहेत.

—

सिलेंडर चोरी – अडयाळ पोलीस ठाणे

दि. 29 सप्टेंबर 2025 रोजी अमित बाबुराव बारापात्रे (रा. कोष्टी मोहल्ला, अडयाळ) यांच्या घराच्या पोर्चमधून भारत गॅसचा रिकामा सिलेंडर चोरीला गेला.
फिर्यादीने आरोपी विनोद अशोक रेवतकर (वय 25) व एका अनोळखी इसमाला मोटारसायकलवरून सिलेंडर चोरताना पाहिले. त्याचप्रमाणे कुलदीप उराडे व ऋषी कुंभारे यांचेही सिलेंडर चोरून नेण्यात आले.
एकूण ₹6,000 किमतीचा माल चोरीला गेला असून कलम 303(2), 3(5) भा.न्या.संहिता अंतर्गत गुन्हा दाखल करण्यात आला.
तपास पोहवा. किरणकुमार डेकाटे करीत आहेत.

—

दुखापत – अडयाळ पोलीस ठाणे

दि. 8 ऑक्टोबर 2025 रोजी अडयाळ येथे सेक्युरिटी गार्ड म्हणून काम करणाऱ्या विनोद अशोक रेवतकर याला तीन आरोपींनी मारहाण केली.
आरोपी छगन बारापात्रे, दिपक निनावे व घनश्याम बारापात्रे यांनी फिर्यादीस शिवीगाळ व मारहाण केली तसेच जीव मारण्याची धमकी दिली.
गुन्हा कलम 118(1), 352, 351(2), 3(5) भा.न्या.संहिता अंतर्गत नोंदविण्यात आला असून तपास पोहवा. किरणकुमार डेकाटे यांच्याकडे आहे.

—

एनडीपीएस अॅक्ट अंतर्गत कारवाई – भंडारा पोलीस ठाणे

दि. 8 ऑक्टोबर 2025 रोजी कस्तुरबा गांधी वार्ड, भंडारा येथे पोहवा. विजय राऊत यांनी आरोपी अनिल सुरेश राणे (वय 41) याला चिलममध्ये अंमली पदार्थाचे सेवन करताना पकडले.
त्याच्या ताब्यातून चिनी मातीची चिलम, कापड, आणि माचीस डब्बी मिळून आली. पंचासमक्ष माल जप्त करून वैद्यकीय तपासणी करण्यात आली.
गुन्हा कलम 27 एनडीपीएस अॅक्ट अंतर्गत दाखल असून तपास पोहवा. विजय राऊत यांच्याकडे आहे.

—

मर्ग (अपघाती मृत्यू) – भंडारा, कारधा, साकोली

1. भंडारा:
विनायक आत्माराम कांबळे (वय 37) यांचा स्टाईलवर पडून झालेल्या दुखापतीमुळे उपचारादरम्यान मृत्यू झाला.
मर्ग क्र. 00/2025, कलम 194 भा.न्या.सु.सं. अंतर्गत नोंद.
तपास पोहवा. ढोरे करीत आहेत.

2. कारधा:
पुरेंद्र रामचंद्र येळे (वय 53) यांनी पथरीच्या आजाराला कंटाळून वैनगंगा नदीत उडी घेऊन आत्महत्या केली.
मर्ग क्र. 38/2025, कलम 194 भा.न्या.सु.सं. अंतर्गत नोंद.
तपास परीपोउपनी. सावंत यांच्याकडे आहे.

3. साकोली:
हेमराज मार्तंड बडवाईक (वय 48) हे घरात मृत अवस्थेत आढळले.
मर्ग क्र. 59/2025, कलम 194 बी.एन.एस.एस. 2023 अंतर्गत नोंद.
तपास पो.हवा. अनिफ राऊत करीत आहेत.

 

—

📰 संपादन व संकलन:
अमर वासनिक, न्यूज एडिटर
पोलिस योद्धा न्यूज नेटवर्क, भंडारा

—