“बाबासाहेबांच्या विचारांनी प्रेरित पत्रकारितेचे ध्येय ठेवा” – राजकुमार खोब्रागडे यांचे पोलिस योद्धा न्यूज नेटवर्कच्या पत्रकारांना मार्गदर्शन

चंद्रपूर, ता. १६ जुलै:
          पोलिस योद्धा न्यूज नेटवर्कचे मुख्य संपादक तथा डायरेक्टर राजकुमार खोब्रागडे यांनी आज संस्थेतील पत्रकारांना मार्गदर्शन करताना डॉ. बाबासाहेब आंबेडकर आणि भगवान बुद्ध यांच्या विचारांचा आदर्श समोर ठेवण्याचे आवाहन केले.

खोब्रागडे सर हे स्वतः “जय भीम” विचारसरणीचे पुरस्कर्ते असून, सामाजिक न्याय व समतेच्या मूल्यांना सर्वोच्च मानतात. चंद्रपूर शहरात वास्तव्य असलेले खोब्रागडे सर हे केवळ एक पत्रकारच नाहीत, तर अन्यायाविरोधात लढणारे एक निर्भीड योद्धा म्हणून ओळखले जातात.

आजच्या त्यांच्या प्रेरणादायी भाषणात त्यांनी पत्रकारितेतील धैर्य, सत्य आणि सामाजिक जबाबदारी यावर विशेष भर दिला. “भीती न बाळगता अन्यायाच्या विरोधात ठाम उभे राहा, कारण बाबासाहेब आणि बुद्धांचा मार्ग हा सत्याचा आहे, आणि सत्यासाठी लढणं हीच खरी पत्रकारिता आहे,” असे ते म्हणाले.

त्यांच्या प्रभावशाली संवादातून पत्रकारांच्या मनातील भीती दूर झाली आणि नवीन उर्जा मिळाली. कार्यक्रमाला पोलिस योद्धा न्यूज नेटवर्कमधील सर्वच पत्रकार उपस्थित होते.

—