चंद्रपूर सुपर थर्मल पॉवर स्टेशन, वॅगन लोडिंग पॉइंट, पद्मपूर येथे काम करणाऱ्या कंत्राटी कामगारांच्या समस्यांबाबत, भाई सदानंद देवगडे यांनी माननीय मुख्य अभियंता यांना निवेदन दिले

चंद्रपूर येथील पद्मापूर येथील यू.टी.एस. वॅगन लोडिंग पॉइंट आणि वॅगन लोडिंग सायलो येथे कामगारांसाठी योग्य ठिकाणी शौचालय, बाथरूम आणि पिण्याच्या पाण्याचे नळ कनेक्शन आणि कोयना गेट ते पद्मपूर लोडिंग पॉइंट पर्यंत ड्युटीवर ये-जा करण्यासाठी पक्का रस्ता आणि रस्त्याच्या कडेला योग्य ठिकाणी विजेचे खांब आणि हॅलोजन लाईट्सची व्यवस्था करणे आवश्यक आहे. कारण यू.टी.एस वॅगन लोडिंग पॉइंट आणि वॅगन लोडिंग सायलो, पद्मापूर येथील सी.एस.टी.पी.एस. येथे १०० हून अधिक कामगार ‘अ-ब-क’ तीन शिफ्टमध्ये काम करत आहेत, कोळसा लोडिंग ट्रॅक क्लीनिंग, ऑपरेटर असिस्टंट (सायलो), इंजिन ड्रायव्हर आणि सेटिंग कामगार, पाईप कन्व्हेयर बेल्ट क्लीनिंग कामगार, सुरक्षा रक्षक आणि एस.एन.टी. केबिन ऑपरेटर. कामगार अनेक वर्षांपासून या ठिकाणी काम करत आहेत आणि या कामगारांसाठी शौचालय आणि बाथरूमची सुविधा उपलब्ध नाही, त्यामुळे या कामगारांना तिन्ही शिफ्टमध्ये उघड्यावर, झुडुपे आणि झाडांमध्ये शौच करावे लागते आणि कामगारांना अनेकदा त्या ठिकाणी वाघ आणि अस्वल या सारख्या वन्य प्राण्यांचा सामना करावा लागतो. रात्रीच्या वेळीही खड्डे आणि खडबडीत रस्त्यांवरून सायकल किंवा दुचाकीवरून तिन्ही शिफ्टमध्ये सुमारे अर्धा किलोमीटर अंतरावर असलेल्या कोयना गेटवरून पिण्याचे पाणी आणावे लागते. रात्रीच्या वेळी या कामाच्या ठिकाणी वाघ, अस्वल, रानटी प्राणी आढळतात आणि अनेक प्रकारचे विषारी साप अनेकदा दिसतात. कामाच्या ठिकाणी कामावर असलेल्या कर्मचाऱ्यांना ये-जा करण्यासाठी पक्का रस्ता नाही आणि रस्त्याच्या कडेला योग्य ठिकाणी खांब आणि पथदिव्यांची योग्य व्यवस्था नसल्यामुळे, तिन्ही शिफ्टमध्ये येथे काम करणाऱ्या कंत्राटी कर्मचाऱ्यांना अनेक समस्यांना तोंड द्यावे लागत आहे.

या मुद्द्यांवर अनेक वेळा मा.साईड इन्चार्ज साहेब यांच्याशी सविस्तर चर्चा करूनही, हे प्रश्न सुटलेले नाहीत. जर हे प्रश्न त्वरित सोडवले गेले नाहीत, तर भविष्यात या समस्यांना तोंड देताना कामगारांना आपला जीव गमवावा लागण्याची दाट शक्यता आहे.

यासाठी, महाराष्ट्र राज्य वीज निर्मिती रोजगारदारी मजदूर सेना संघटनेचे विदर्भ अध्यक्ष भाई सदानंद देवगडे यांनी दिनांक ०४/०७/२०२५ रोजीच्या निवेदनाद्वारे चंद्रपूर औष्णिक विद्युत केंद्राचे माननीय मुख्य अभियंता साहेब यांना युनियनकडून पत्र मिळाल्यानंतर औद्योगिक संबंध कायद्यांतर्गत युनियनसोबत बैठक बोलावून या समस्यांचे निराकरण करण्याची विनंती केली आणि माननीय विजय राठोड साहेब, मुख्य अभियंता, सी.एस.टी.पी.एस., चंद्रपूर यांनी कामगारांच्या या सर्व समस्या लवकरच सोडवल्या जातील असे आश्वासन दिले आहे. निवेदन देताना, महाराष्ट्र राज्य वीज निर्मिती रोजगारदारी मजदूर सेना संघटनेचे विदर्भ अध्यक्ष भाई सदानंद पी. देवगडे , न्यू ट्रेड युनियन इनिसीएटीव्ह चंद्रपूर, भाई दीपक बेलगे, जिल्हा उपाध्यक्ष, भाई विवेकानंद मेश्राम, शाखा अध्यक्ष, भाई सुरज शेंडे, शाखा सहसचिव, भाई आशिष खरोले आणि मा.भाई सुभाष सिंह बावरे, केंद्रीय प्रभारी इत्यादी प्रमुख उपस्थित होते. यानंतर, चंद्रपूर जिल्हा तहसील कार्यालय, चंद्रपूर येथील माननीय तहसीलदार साहेब यांना निवेदन देण्यात आले. निवेदन स्वीकारताना तहसीलदार साहेब यांनी ही समस्या सोडवण्यासाठी पूर्ण प्रयत्न करण्याचे आश्वासन दिले आहे.

माननीय तहसीलदार साहेब यांना निवेदन देत असताना टिपलेले छायाचित्र