🔸 आधुनिक महाराष्ट्राचे शिल्पकार 🔸 🔹 हरित क्रांतीचे जनक 🔹 🔸 नवी मुंबईचे शिल्पकार 🔸 🔹 आधुनिक महाराष्ट्राला घडविणारा नायक 🔹 🔸 एक मुलाखात महेश देवशोध यांचेशी 🔸 🔹 मुलाखत कर्ता प्रफुल्ल भुयार,आर्वी , तालुका प्रतिनिधी 🔹

पोलीस योद्धा वृत्तसेवा
वसंतराव नाईक यांचे कार्य राज्याला व देशाला गौरवांकीत करणारे आहेत. महाराष्ट्राला सुजलाम सुफलाम करण्यामागे त्यांचा मोलाचा वाटा आहे .त्यांच्या शौर्य बुद्धीने व दूरदृष्टीने नवीन मुंबई उभारली गेली, हे सर्वश्रुत आहे.
नाईक साहेबांचे चिंतनीय विचार विचार करायला लावणारे च आहे .
1 ) माणूस हा सर्वप्रथम माणूस आहे. धर्माच्या व जातीच्या नावाखाली त्याला कमी लेखणे ही माणुसकी नाही , हा धर्मही नाही.
2) देशाची बळ देशात राहणाऱ्या लोकांच्या ज्ञानावर त्यांच्या चारित्र्यावर व कर्तृत्वावर आणि देशासाठी सर्वस्व ओवाळुन टाकण्याच्या वृत्तीवर अवलंबून असते.
3) देशात लोकशाही मजबूत करायची असेल तर समाजाच्या सर्व स्तरातील नेतृत्व मजबूत केले पाहिजे.
4 ) माणसा-माणसात आपण भेद केल्यास भारत संघटित व एकसंघ होऊ शकणार नाही .
5 ) माणसाची श्रमशक्ती फुकट न जाता ती देशाच्या विकासासाठी लागली पाहिजे .
6 ) शेती ही उद्योगाची जननी आहे. म्हणून या देशाची गरिबी दूर करण्याची शक्ती शेतीच्या उद्योगात आहे.
7 ) देहात जीव आहे तोपर्यंत जनतेची सेवा करीन हाच मी माझा धर्म मानलेला आहे.
8 ) शेती विकास झाल्याशिवाय देशाला अन्नधान्याची स्वयंपूर्णता लाभणार नाही व तसे घडले नाही तर वाढत्या लोकसंख्येची भूक भागविणे अशक्‍य होईल.
9 ) पाणी हे शेतीसाठी अमृतासारखे आहे.
10 ) देशाला बलवान बनविण्याची शक्ती शेतकऱ्या तच आहे.
11 ) आपल्या देशातील दारिद्र्य आणि धान्याची टंचाई याविरुद्ध लढा देण्याची गुरुकिल्ली शेती आहे.
12 ) शेतीचे उत्पन्न ज्या पद्धतीने वाढवता येईल, तेवढे वाढविण्याचा प्रयत्न म्हणजे देशभक्ती.
13 ) प्रगतीचा मूळ पाया या देशातील शेतीमध्ये आहे या देशाची प्रगती मोजण्याची मोजपट्टी म्हणजे शेतीची प्रगती होय.
14 ) आपण सर्व जबाबदार लोक आहोत , ही गोष्ट लक्षात ठेवून प्रगतीच्या प्रत्येक कामात आपण स्वतः पुढाकार घेतला पाहिजे .
15 ) माझ्या जवळ असलेली बुद्धी शक्ती अधिकार या नात्याने मी कशा तऱ्हेने वापरून जनतेची सेवा करू शकतो याचा प्रत्येकाने विचार केला पाहिजे .
16 ) माणूस हा आम्ही विकासाचा केंद्रबिंदू मानतो .
17 ) आम्ही जर आपसात भांडू लागलो एकमेकांना मारू लागलो तर आपली शक्ती त्यातच खर्ची पडेल यासाठी जातीय सलोखा कायम राखणे फार आवश्यक आहे .
18 ) देश आणि भारतीय समान बलवान करायचा असेल तर धर्म, वंश, पंथ ,जात ,भाषा यावर आधारलेले भेद नष्ट झाले पाहिजे.
19 ) हा देश आपला आहे . देशाचा आणि राज्याचा विकास बाहेरून येऊन कोणी करणार नसून आपल्यालाच तो करायचा आहे .
20 ) प्रत्येकाने आपापले काम आपली शक्ती बुद्धी आणि चातुर्य पणास लावून केले पाहिजे .
वसंतराव नाईक साहेबांच्या चिंतनीय विचाराला त्यांच्या जयंतीनिमित्त माझे विनम्र अभिवादन .

पोलीस योद्धा वृत्तसेवा
प्रफुल्ल भुयार
आर्वी, तालुका प्रतिनिधी